ટ્રાફિકમાં ફૂડ ડિલિવરી બોયે કર્યું આવું કામ, વીડિયો જોયા બાદ લોકોએ કર્યા સલામ
નવી દિલ્હી, ‘જ્યારે તમારા દિલમાં કંઈક કરવાનો ઝનૂન હોય છે, ત્યારે કોઈ મંઝિલ દૂર નથી હોતીપ’ આ વાયરલ વીડિયોમાં દેખાતો છોકરો આ વાતને સાચી સાબિત કરી રહ્યો છે.
સોશિયલ મીડિયા સાઈટ પર ઝોમેટોના ડિલિવરી બોયનો વીડિયો જોવા મળી રહ્યો છે. તે તેની બાઇક સાથે ટ્રાફિકમાં ઉભો જોવા મળે છે, પરંતુ આનાથી નેટીઝન્સ પ્રભાવિત થયા નથી. બલ્કે તેના મોબાઈલમાં ચાલતા વીડિયોએ સૌનું ધ્યાન ખેંચ્યું છે.
ઝોમેટો એજન્ટ ફૂડ ડિલિવરી દરમિયાન યુનિયન પબ્લિક સર્વિસ કમિશનની તૈયારી પરનું લેક્ચર જોઈ રહ્યો હતો. આ વિડિયો જોયા પછી મને ‘જીગર મુરાદાબાદી’ની પંક્તિ યાદ આવી રહી છે, ‘જો તુફાનો મે પલતે જા રહે હૌ, વોહ દુનિયા બદલતે જા રહે હૈ.’સોશિયલ મીડિયાપર વીડિયો શેર કરતી વખતે આયુષ સાંઘી નામના યુઝરે કેપ્શનમાં લખ્યું, ‘આ વીડિયો જોયા પછી મને નથી લાગતું કે તમને સખત અભ્યાસ કરવા માટે અન્ય કોઈ પ્રેરણાની જરૂર પડશે.’ ડિલિવરી બોય તમામ વાહનો વચ્ચે ટ્રાફિક સિગ્નલની રાહ જોતો જોવા મળે છે.
પરંતુ સમય બગાડ્યા વિના તે બાઇકના હેન્ડલ પર મૂકેલા તેના મોબાઇલ ફોન પર યુનિયન પબ્લિક સર્વિસ કમિશન સંબંધિત વીડિયો જોઈ રહ્યો છે.આ વીડિયો ૨૯ માર્ચે સોશિયલ મીડિયા પર શેર કરવામાં આવ્યો હતો. પોસ્ટ કર્યા પછી તેને હજારો વ્યુઝ, લાઇક્સ અને કોમેન્ટ્સ મળી છે.
લોકોએ કોમેન્ટ સેક્શનમાં પોતાની પ્રતિક્રિયાઓ પણ વ્યક્ત કરી છે.એક યૂઝરે લખ્યું કે આ લોકોને જોયા પછી તેને સખત મહેનત કરવાની ઈચ્છા થઈ. અન્ય એક વ્યક્તિએ લખ્યું, ‘અંતિમ મુકામ સુધીનો રસ્તો મુશ્કેલ હોઈ શકે છે, પરંતુ ઈનામ અમૂલ્ય હશે.’ ત્રીજાએ લખ્યું, ‘આ વિડિયો ખૂબ જ પ્રેરણાદાયક છે; આ મને પહેલા કરતા વધુ મહેનત કરવા પ્રેરે છે.
એક યુઝરે લખ્યું, ‘ટ્રાફિકમાં ઝોમેટો એજન્ટને શીખવતા લેક્ચરરનો વીડિયો જોવો, અમને યાદ અપાવે છે કે શીખવામાં કંઈપણ સીમા કે અડચણ ન બની શકે. શીખવાની કોઈ મર્યાદા નથી! જિજ્ઞાસાને જીવંત રાખો, નવી વ્યૂહરચના અપનાવો અને દરેક અનુભવમાંથી વિકાસ કરો. ચાલો સાથે વધીએ!’SS1MS
