અમદાવાદના આધેડને સાયબર ગઠિયાએ ૮૬ લાખનો ચુનો લગાવ્યો
અમદાવાદ, અમદાવાદના લેન્ડ બ્રોકરીંગનું કામ કરતા આધેડને શેરબજારમાં રોકાણ કરીને વધુ નફો કમાવાની લાલચ આપીને સાયબર ગઠિયાએ રૂ. ૮૬ લાખનો ચુનો લગાવ્યો હતો.
સિંધુભવન રોડ ખાતેના મેપલ -૨માં રહેતા રૂદ્રેશ રસિકલાલ રાવલ(૫૪) જમીમ લે-વેચનું કામ કરે છે. તેઓ ૧૭મી એપ્રિલે ઇન્સ્ટાગ્રામ પર રીલ જોતા હતા ત્યારે એક જાહેરાત આવી હતી કે શેરબજારમાં રોકાણ કરીને રોજના બે ટકા નફો કમાવો છે. જેથી રાવલે રસ દાખવીને જે તે લીંક પર ક્લીક કરી હતી. જેમાં સક્સો ભારત એક્સચેંજ ૭૯ નામના ગ્‰પમાં તેમને પૂનમ શર્માએ એડ કરી દીધા હતા.
જેમાં અભિષેક શર્મા પણ હતા. રાવલ ગ્‰પમાં એડ થઇ ગયા બાદ તેમને એડમીન દ્વારા જુદા જુદા એકાઉન્ટમાં એડ કરીને જુદી જુદી ટીપ્સ આપવાની શરૂઆત કરી હતી.
રાવલને થોડો વિશ્વાસ બેસતા તેમણે અને તેના મિત્ર અમિત પટેલે પૂનમ અને અભિષેકના જણાવ્યા મુજબ જુદા ખાતામાં શેરબજાર માટે રૂપિયા ૮૬ લાખ જમા કરાવ્યા હતા. આ ઠગ ટુકડીએ રાવલ અને અમિતને તેમના રોકાણ પર અઢી કરોડનો નફો થયો હોવાનું બતાવ્યું હતું. હવે જ્યારે રૂપિયા વિડ્રો કરવા પ્રયાસ કરવામાં આવ્યો ત્યારે પૂનમ અને અભિષેકે તેમનો ફોન રિસીવ કરવાનું બંધ કરી દીધું હતું.
જેને પગલે રાવલે તપાસ કરતાં સક્સો બેંક કન્સલ્ટીંગ ગ્‰પ ૫૦ બનાવીને લોકોને શેરબજાની ટીપ્સ આપવાના નામે લોકો પાસેથી પૈસા પડાવ્યા હોવાનું ધ્યાનમાં આવ્યું હતું. પોતે છેતરાયા હોવાનો અહેસાસ થતાં તેમણે સાયબર ક્રાઇમ બ્રાંચમાં ફરિયાદ નોંધાવી હતી.SS1MS
