રશિયાનું વિમાન ભૂલથી થીજેલી નદી પર લેન્ડ થયું

મોસ્કો, રશિયામાં એક મોટી વિમાન દુર્ઘટના ટળી ગઇ છે. ખરેખર તો ૩૦ મુસાફરો સાથેના એક વિમાનને પાયલટે રન-વે પર લેન્ડ કરવાની જગ્યાએ થીજી ગયેલી નદી પર લેન્ડ કરી દીધું હતું. જાેકે લેન્ડિંગ સુરક્ષિત રહેતાં તમામ મુસાફરો સુરક્ષિત છે.

માહિતી અનુસાર સોવિયેત કાળના એન્ટોનોવ-૨૪ વિમાનના પાયલટથી આ મોટી ભુલ થઇ ગઇ હતી. માહિતી અનુસાર આ એક મોટી વિમાન દુર્ઘટના સર્જાતા રહી ગઈ. પોલર એરલાઈન્સનું વિમાન એએન-૨૪ યાકુટિયા ક્ષેત્રમાં ર્જિયંકા નજીક કોલિમા નદી પર લેન્ડ થયું હતું.

એરલાઇન્સના પ્રવક્તાએ આપેલી માહિતી અનુસાર પાયલટે આ મોટી ભૂલ કરી હતી. નદી પર લેન્ડ થયેલા વિમાનની તસવીર વાયરલ થઈ રહી છે. કોઈ જાનહાનિ થઇ નથી. હાલ મામલે તપાસના આદેશ આપી દેવામાં આવ્યા છે. SS2SS