આમિર ખાનના પુત્ર જુનૈદની ડેબ્યુ ફિલ્મ ‘મહારાજ’નો રસ્તો સાફ

મુંબઈ, બોલિવૂડ એક્ટર આમિર ખાનના પુત્ર જુનૈદ ખાનની ડેબ્યુ ફિલ્મ ‘મહારાજ’ પર જે મુશ્કેલીઓના વાદળો છવાયેલા હતા તે દૂર થઈ ગયા છે. ગુજરાત હાઈકોર્ટે જુનૈદની પહેલી ફિલ્મ ‘મહારાજ’ની ઓટીટી રિલીઝ પરનો પ્રતિબંધ હટાવી દીધો છે. ફિલ્મ નિર્માતાઓ જુનૈદ ખાન અને નેટફ્લિક્સ માટે આ ચોક્કસપણે રાહતના સમાચાર હશે. આ ફિલ્મને લઈને છેલ્લા ઘણા દિવસોથી વિવાદ ચાલી રહ્યો હતો.

અગાઉ આ ફિલ્મ ૧૪ જૂને રિલીઝ થવાની હતી પરંતુ ફિલ્મની રિલીઝ પહેલા જ તેના પર પ્રતિબંધ લગાવી દેવામાં આવ્યો હતો. જણાવી દઈએ કે, ૩ દિવસ સુધી ચાલેલી સુનાવણી બાદ ફિલ્મ શુક્રવારે હાઈકોર્ટ દ્વારા અપાયેલા ગ્રીન સિગ્નલ બાદ નેટફ્લિક્સ પર રિલીઝ કરી દેવામાં આવી છે અને ફેન્સ તેને જોઈ શકે છે.

ગુજરાત હાઈકોર્ટે શુક્રવારે (૨૧ જૂન) સ્ટ્રીમિંગ દિગ્ગજ નેટફ્લિક્સની ફિલ્મ ‘મહારાજ’ની રિલીઝ પરનો અસ્થાયી સ્ટે હટાવી લીધો હતો. કોર્ટે કહ્યું કે ફિલ્મ મહારાજ ૧૮૬૨ના મહારાજ માનહાનિ કેસ સાથે જોડાયેલી ઘટનાઓ પર આધારિત છે અને તેનો હેતુ કોઈપણ સમુદાયની ભાવનાઓને ઠેસ પહોંચાડવાનો નથી. ઉલ્લેખનીય છે કે, ૧૩ જૂને ફિલ્મની રિલીઝ પર રોક લગાડવામાં આવી હતી.

હાઈકોર્ટે ફિલ્મ જોયા બાદ શુક્રવારે નેટફ્લિક્સને ફિલ્મ સ્ટ્રીમ કરવાની મંજૂરી આપવાનો નિર્ણય લીધો હતો. કોર્ટે કહ્યું, અદાલતે પ્રથમદર્શી તારણ કાઢ્યું છે કે ફિલ્મનો હેતુ કોઈ પણ સમુદાયની લાગણીઓને ઠેસ પહોંચાડવાનો નથી. સંબંધિત માર્ગદર્શિકાને ધ્યાનમાં લીધા પછી નિષ્ણાત સંસ્થા સેન્ટ્રલ બોર્ડ આૅફ ફિલ્મ સર્ટિફિકેશન દ્વારા ફિલ્મને પ્રમાણિત કરવામાં આવી હતી.

જણાવી દઈએ કે, ફિલ્મ મહારાજ એ ગુજરાતી લેખક સૌરભ શાહના ૨૦૧૩ના પુસ્તક પર આધારિત છે જે ૧૮૬૨માં અગ્રણી વૈષ્ણવ વ્યક્તિ જદુનાથજી દ્વારા સમાજ સુધારક કરસનદાસ મુળજી વિરુદ્ધ દાખલ કરાયેલ બદનક્ષીના કેસ પર આધારિત છે, જેમણે સર્વશક્તિમાન મહારાજ દ્વારા જાતીય શોષણ વિરુદ્ધ લખ્યું હતું. ભગવાન કૃષ્ણ અને વલ્લભાચાર્યના ભક્તોએ ફિલ્મ ‘મહારાજ’ પર અરજી દાખલ કરી હતી.

અરજીમાં લખવામાં આવ્યું કે આ ફિલ્મ ૧૮૬૨ના લિબલ મહારાજ કેસ પર આધારિત છે જેની જાહેર વ્યવસ્થા પર નકારાત્મક અસર પડે છે. તેઓ એમ પણ કહે છે કે આ ફિલ્મ હિંદુ ધર્મને પણ ઠેસ પહોંચાડે છે.

કોર્ટે કહ્યું પ્રતિવાદી દ્વારા યોગ્ય રીતે કહેવામાં આવ્યું છે તેમ ફિલ્મ એ છે કે આ ફિલ્મ સામાજિક અનિષ્ટ અને કરસનદાસ મૂળજી દ્વારા સામાજિક સુધારણા માટેની લડત પર ધ્યાન કેન્દ્રિત કરે છે જેઓ પોતે વૈષ્ણવ સમુદાયના હતા. કોર્ટે કહ્યું કે, આ ફિલ્મ કોઈ પણ રીતે ધાર્મિક લાગણીઓને પ્રભાવિત કરતી નથી કે ઠેસ પહોંચાડતી નથી. ફિલ્મનું તારણ છે કે કોઈપણ વ્યક્તિ કે ઘટના કરતાં સંપ્રદાય વધુ મહત્ત્વનો છે.SS1MS