‘પઠાન’ ફિલ્મમાં સલમાન-શાહરુખના સીનને લઈને આમિરે લીધી મજા

મુંબઈ, બોલિવૂડ સુપરસ્ટાર શાહરૂખ ખાને લાંબા સમય બાદ ફિલ્મ ‘પઠાન’થી કમબેક કર્યું હતું. સિદ્ધાર્થ આનંદ દ્વારા નિર્દેશિત આ ફિલ્મ બોક્સ ઓફિસ પર જબરજસ્ત હિટ રહી હતી. લાંબા સમય બાદ શાહરૂખ ખાનને મોટા પડદા પર જોઈને ફેન્સ પણ ખૂબ જ ખુશ હતા.

તેમજ આ ફિલ્મમાં સલમાન ખાને પણ શાનદાર કેમિયો કર્યાે હતો. જેના કારણે બંને એક્ટર્સને લાંબા સમય બાદ મોટા પડદા પર સાથે જોઇને બંનેના ફેન્સ ખૂબ જ ઉત્સાહિત હતા. પઠાન આ સીનમાં શાહરૂખ અને સલમાન આ આઇકોનિક એક્શન સીનમાં વિલન સામે લડે છે, ત્યારપછી આ બંને એક્ટર્સ તેમના પછી ભારતીય સિનેમાની બાગડોર કોણ સંભાળશે તેના પર મનોરંજક ચર્ચામાં કરતા જોવા મળે છે.

જેની આમિરખાને ચર્ચા કરી. એક પોડકાસ્ટમાં આમિર ખાને શાહરૂખ અને સલમાનના પઠાન ફિલ્મના સીન પર પોતાની પ્રતિક્રિયા આપતા કહ્યું હતું કે, ‘આ સીન જોવામાં ખરેખર મજેદાર લાગતો હતો. મેં ફિલ્મ નથી જોઈ પરંતુ સોશિયલ મીડિયા પર આ સીનની ક્લિપ જોઈ છે.

મેં આ દ્રશ્ય જોયું અને તે રમુજી લાગ્યું.’ પઠાનના એ વિશે જ્યારે હોસ્ટે આમિર ખાન સાથે વધુ વાત કરી ત્યારે અભિનેતા ખુશ થઈ ગયો અને મજાકમાં કહ્યું, ‘આ સીન જોયા પછી નવા યુવા કલાકારો થોડા નિરાશ થયા હશે.

એવામાં, તમે સલમાન અને શાહરૂખથી પણ નિરાશ ન થઈ શકો, તો શું કરી શકીએ.!’જો આમિર ખાનના વર્ક ફ્રન્ટની વાત કરીએ તો, આમિર વર્ષ ૨૦૨૨માં આવેલી ફિલ્મ ‘લાલ સિંહ ચઢ્ઢા’માં જોવા મળ્યો હતો. તેમાં કરીના કપૂર, મોના સિંહ અને નાગા ચૈતન્ય પણ મુખ્ય ભૂમિકામાં છે.

હાલમાં અભિનેતા ફિલ્મ ‘સિતારે જમીન પર’માં કામ કરી રહ્યો છે. એવી ચર્ચા છે કે તેણે લોકેશ કનાગરાજની ફિલ્મમાં પણ કામ કરવાનું નક્કી કર્યું છે. જો કે આ સમાચારની હજુ સત્તાવાર પુષ્ટિ થઈ નથી.SS1MS