આશિકી ફેમ રાહુલ રોયને સલમાને કરી હતી મદદ
મુંબઈ, ફિલ્મ આશિકી ફેમ એક્ટર રાહુલ રોયે સલમાન ખાનની મદદ વિશે જણાવ્યું છે. તેના પરિવારજનોએ ખુલાસો કર્યો હતો કે સલમાન ખાને મારા ખરાબ સમયમાં હોસ્પિટલનું બિલ ચૂકવીને મદદ કરી હતી. વર્ષ ૨૦૨૦માં રાહુલ રોયને બ્રેઈન સ્ટ્રોક આવ્યો હતો. આ કારણે તે લાંબા સમય સુધી પથારીમાં રહ્યો હતો. Aashiqui fame actor Rahul Roy talked about Salman Khan’s help
એક્ટર રાહુલ રોયની બહેન પ્રિયંકા રોયે એક ઈન્ટરવ્યુમાં જણાવ્યું કે, સલમાન ખાન રિયલ હીરો છે કારણકે તેણે કપરા સમયમાં અમારા પરિવારની મદદ કરી હતી. હું સલમાન ખાનને થેંક્યુ કહેવા માગું છું. તેમણે મારા ભાઈ રાહુલ રોયનું હોસ્પિટલનું બિલ ચૂકવ્યું હતું. રાહુલ રોય કારગિલમાં એક ફિલ્મનું શૂટિંગ કરી રહ્યા હતા.
રાહુલ રોયની સ્થિતિ વિશે ડોક્ટર્સનું કહેવું હતું કે રાહુલ રોયના મગજના ડાબા ભાગમાં લોહી જામી ગયું હતું. તેઓની તબિયતમાં સુધારો થતા સમય લાગશે. કારણકે આ ફિલ્મનું શૂટિંગ ઊંચાઈ પર થઈ રહ્યું હોવાના કારણે ત્યાં ઓક્સિજનનું પ્રમાણ ઓછું હતું અને ટીમના સભ્યોને શ્વાસ લેવામાં સમસ્યા થઈ રહી હતી.
એક્ટર રાહુલ રોયે વર્ષ ૧૯૯૦માં ફિલ્મ ‘આશિકી’થી ડેબ્યુ કર્યું હતું અને આ ફિલ્મ એટલી સફળ થઈ હતી કે રાહુલ રોયે ત્યારબાદ સીધી ૪૭ ફિલ્મો સાઈન કરી હતી. પરંતુ, ‘આશિકી’ બાદ રાહુલ રોયનો જાદુ ચાલી શક્યો નહીં અને તેઓ ગ્લેમર દુનિયાથી દૂર થઈ ગયા. ત્યારબાદ તેઓ ટીવી શૉ ‘બિગ બોસ’થી પણ ચર્ચામાં આવ્યા હતા.
આશિકીની અપાર સફળતા પછી રાહુલ રોયને ઘણી રોમાન્ટિક ફિલ્મ્સની ઓફર આવી હતી. ‘જૂનુન’ ફિલ્મમાં તેનું પર્ફોર્મન્સ સૌથી વધારે પસંદ કરવામાં આવ્યુ હતું. જાેકે, એ પછી તેનું કરિયર રસ્તા પર આવી ગયું હતું. જેનું એક મોટું કારણ એ રહ્યું કે તેને ઓફર થયેલી ૧૦ ફિલ્મ્સ ડબ્બાબંધ થઈ ગઈ હતી.
ક્યારેક ફિલ્મમેકરનું નિધન થયું તો ક્યારેક અન્ય કારણ રહ્યું. ઈન્ડસ્ટ્રીના લોકો એવું જણાવે છે કે સંજાેગો એવા પણ થઈ ગયા હતા કે પ્રોડ્યૂસર-ડિરેક્ટર રાહુલ રોયને ફિલ્મ ઓફર કરતા પહેલા ડરવા લાગ્યા હતાં.SS1MS
