અભિનેતા રણબીર કપૂરની રામાયણનું પહેલું પોસ્ટર રિલીઝ

મુંબઈ, બોલિવૂડ સ્ટાર રણબીર કપૂર છેલ્લા કેટલાક દિવસોથી તેની મચઅવેટેડ ફિલ્મ ‘રામાયણ’ માટે ચર્ચામાં છે. આમાં તે ભગવાન શ્રી રામના રોલમાં જોવા મળશે. જ્યારે સાઉથની અભિનેત્રી સાઈ પલ્લવી માતા સીતાનો રોલ કરી રહી છે.

આ દરમિયાન બુધવારે ‘રામાયણ’નું પહેલું પોસ્ટર રિલીઝ કરવામાં આવ્યું છે અને રિલીઝ ડેટ પણ જાહેર કરવામાં આવી છે. જોકે, રણબીર કપૂરની ‘રામાયણ’ જોવા માટે દર્શકોએ રાહ જોવી પડશે.

પ્રાઇમ ફોકસ સ્ટુડિયોના ફાઉન્ડર અને ગ્લોબલ સીઇઓ નમિત મલ્હાત્રાએ ‘રામાયણ’ના પ્રથમ પોસ્ટરની ઝલક બતાવી છે. તેણે પોતાના ઇન્સ્ટાગ્રામ હેન્ડલ પર ફિલ્મનું પોસ્ટર શેર કર્યું છે, જેના પર રિલીઝ ડેટ પણ લખેલી છે. આ ઉપરાંત એ પણ સ્પષ્ટ થઈ ગયું છે કે ‘રામાયણ’ બે ભાગમાં રિલીઝ થશે.

પહેલી ફિલ્મ ૨૦૨૬ની દિવાળીએ રિલીઝ થશે. જ્યારે બીજી ફિલ્મ દિવાળીના અવસર પર વર્ષ ૨૦૨૭માં રિલીઝ થશે. જોકે, પોસ્ટરમાં રણબીર કપૂર અને સાઈ પલ્લવીનો લુક શેર કરવામાં આવ્યો નથી.

‘રામાયણ’નું પોસ્ટર શેર કરતી વખતે, નમિત મલ્હાત્રાએ કેપ્શનમાં લખ્યું, ‘એક દાયકા કરતા પણ વધુ સમય પહેલા, મેં આ મહાન મહાકાવ્યને મોટા પડદા પર લાવવાની અદ્ભુત યાત્રા શરૂ કરી હતી, જેણે છેલ્લા ૫૦૦૦ વર્ષથી લાખો દિલો પર રાજ કર્યું છે. આજે હું ખૂબ જ ખુશ છું કે આ સપનું સાકાર થઈ રહ્યું છે.’

તેમણે આગળ લખ્યું, ‘અમારી ટીમ દિવસ-રાત મહેનત કરી રહી છે. બધાનો એક જ ઉદ્દેશ્ય છે કે આપણો ઇતિહાસ, આપણું સત્ય અને આપણી સંસ્કૃતિ આપણી રામાયણને વિશ્વભરના લોકો સમક્ષ સૌથી અધિકૃત, પવિત્ર અને સુંદર સ્વરૂપમાં રજૂ કરવાનો છે.’

રિપોર્ટ્‌સ અનુસાર, રણબીર કપૂર અને સાઈ સિવાય સાઉથના સુપરસ્ટાર યશ પણ ‘રામાયણ’માં જોવા મળશે. આ ફિલ્મમાં તે રાવણનું પાત્ર ભજવશે. લારા દત્તા કૈકેયીનું પાત્ર ભજવશે. સની દેઓલ હનુમાનનું પાત્ર ભજવશે. જ્યારે શીબા ચઢ્ઢા મંથરાના રોલમાં જોવા મળશે. આ ફિલ્મનું નિર્દેશન નિતેશ તિવારી કરી રહ્યા છે, જેમણે આ પહેલા આમિર ખાન સાથે ઓલ-ટાઇમ બ્લોકબસ્ટર ‘દંગલ’ બનાવી છે.SS1MS