અભિનેતા સૈફ અલી ખાને કરાવી પટોડી પેલેસની ટૂર

મુંબઈ, બોલિવૂડ એક્ટર સૈફ અલી ખાનનો પટોડી પેલેસ હંમેશાં ચર્ચામાં રહે છે. અહીં સૈફ અલી ખાન પરિવાર સાથે રજા માણવા માટે આવે છે. ત્યારે હવે સૈફ અલી ખાને એક જાહેરાતના માધ્યમથી પોતાના આ વર્ષો જૂના ઘરની ટૂર કરાવી છે. જેમાં સૈફ અલી ખાનના આ મહેલની બહારના ફુવારાથી માંડીને દરેક રૂમ પણ જાેઈ શકાય છે. જેમાં કેટલાંક જૂના ફોટોગ્રાફ્સ જૂની યાદો તાજી કરાવે છે.

જુઓ સૈફ અલી ખાનના પટોડી પેલેસનો આ ઈનસાઈડ વિડીયો. જાણકારી મુજબ, સૈફ અલી ખાનનો આ પટોડી પેલેસ હરિયાણાના ગુરુગ્રામમાં છે. જે વર્ષ ૧૯૭૨માં ડિઝાઈન કરાયો હતો. અત્યારે આ પેલેસની કિંમત અંદાજિત રૂપિયા ૮૦૦ કરોડ હોવાનું જાણવા મળે છે.

જેમાં ૧૫૦ રૂમ છે. સૈફ અલી ખાન અને અમૃતા સિંહની દીકરી સારા અલી ખાને ફિલ્મ કેદારનાથથી બોલિવુડમાં ડેબ્યૂ કર્યું હતું. હવે સારાનો ભાઈ ઈબ્રાહિમ અલી ખાન બોલિવુડમાં પદાર્પણ કરવા માટે તૈયાર છે. મમ્મી અમૃતા, પિતા સૈફ અને બહેન સારાની જેમ ઈબ્રાહિમ પણ એક્ટિંગમાં રસ ધરાવે છે.

ગોસિપની ગલીઓમાં ચર્ચા ચાલી રહી છે કે, કેટલાય સ્ટાર્સ કિડ્‌સને લોન્ચ કરી ચૂકેલો ફિલ્મમેકર કરણ જાેહર હવે ઈબ્રાહિમને પણ લોન્ચ કરવાનો છે. કરણ જાેહરના પ્રોડ્‌કશન હાઉસ હેઠળ બની રહેલી આગામી ફિલ્મથી ઈબ્રાહિમ ડેબ્યૂ કરશે. રિપોર્ટ પ્રમાણે, ડિફેન્સ ફોર્સિસની આસપાસ ફરતી આ ફિલ્મનું શૂટિંગ ૨૦૨૩માં શરૂ થશે. એક્ટર બોમન ઈરાનીનો દીકરો કાયોઝ આ ફિલ્મને ડાયરેક્ટ કરશે તેવી ચર્ચા છે.

ઈબ્રાહિમ અલી ખાન હાલ કરણ જાેહરની આગામી ફિલ્મ ‘રોકી ઔર રાની કી પ્રેમકહાની’માં તેને આસિસ્ટ કરી રહ્યો છે. ‘રોકી ઔર રાની કી પ્રેમકહાની’ દ્વારા કરણ જાેહર ડાયરેક્ટર તરીકે વાપસી કરી રહ્યો છે. આ ફિલ્મમાં આલિયા ભટ્ટ, રણવીર સિંહ, જયા બચ્ચન, શબાના આઝમી અને ધર્મેન્દ્ર જાેવા મળશે.SS1MS