સિંઘમ રિટર્ન્સ ૨૦૧૪માં રિલીઝ થઈ હતીઃ 10 વર્ષ પછી “સિંઘમ-3” રીલીઝ થશે
અજયની સિંઘમ ૨ બોક્સ ઓફિસ પર સુપરહિટ સાબિત થઈ હતી-“ફિલ્મ સિંઘમ ૩”માં એક્શનનો ટ્રિપલ ડોઝ હશેઃ રોહિત શેટ્ટી
મુંબઈ, હિન્દી ફિલ્મોના ફેમસ ડાયરેક્ટર રોહિત શેટ્ટીની મોસ્ટ અવેટેડ ફિલ્મ સિંઘમ ૩ની બધા રાહ જાેઈ રહ્યા છે. બોલીવુડ સુપરસ્ટાર અજય દેવગનને પોલીસ ઓફિસરના અવતારમાં જાેવા માટે ફેન્સ ઘણા ઉત્સાહિત છે. આ બધાની વચ્ચે હવે સિંઘમ ફ્રેંચાઈજીની ત્રીજી ફિલ્મ વિશે મોટું અપડેટ આવ્યું છે જેમાં અજય અને રોહિતની આ ફિલ્મની શૂટિંગ ક્યારથી શરુ થશે તેની માહિતી મળી છે.
વર્ષ ૨૦૧૧માં આવેલી અજય દેવગનની ફિલ્મ સિંઘમની બંપર સફળતા બાદ આ ફિલ્મના ડાયરેક્ટર રોહિત શેટ્ટીએ આ સિરીઝને આગળ વધારતાં બીજાે ભાગ એટલે કે, સિંઘમ રિટર્ન્સને ૨૦૧૪માં રિલીઝ કર્યો હતો. અજયની સિંઘમ ૨ પણ બોક્સ ઓફિસ પર સુપરહિટ સાબિત થઈ હતી.
એવામાં ૮ વર્ષ બાદ હવે મોટું અપડેટ આવ્યું છે કે, સિંઘમ ફ્રેન્ચાઈજીનો ત્રીજાે ભાગ સિંઘમ ૩ પણ બનાવાશે. પિંક વિલાની રિપોર્ટ મુજબ હાલમાં જ સિંઘમના ડાયરેક્ટર રોહિત શેટ્ટીએ સિંઘમ ૩ને લઈ મોટો ખુલાસો કર્યો છે. જે મુજબ રોહિતે જણાવ્યું કે, “અમે સિંઘમ ૩ માટે તૈયારીઓ શરુ કરી દીધી છે.
હાલ અજય દેવગન પોતાની બીજી ફિલ્મોની શૂટિંગમાં વ્યસ્ત છે. સાથે જ હું અત્યારે રણવીર સિંહ સાથે ફિલ્મ સર્કસની તૈયારીઓમાં છું. એવામાં આ પ્રોજેક્ટ બાદ આવતા વર્ષે એપ્રિલ મહિનાથી અમે સિંઘમ ૩નું શૂટિંગ શરુ કરી દઈશું.”
ડાયરેક્ટર રોહિત શેટ્ટીએ સિંઘમ ૩ની શૂટિંગ વિશે માહિતી આપી તે સાથે જણાવ્યું કે, આ વખતે સિંઘમ છેલ્લા બે ભાગોથી ઘણો અલગ હશે. રોહિત શેટ્ટી અનુસાર, આ વખતે સિંઘમ ૩માં પહેલી બે સિરીઝ કરતાં વખારે એક્શન જાેવા મળશે. સાથે જ આ ફિલ્મ દુનિયાની સૌથી મોટી કોપ ફિલ્મ સાબિત થશે. એવામાં રોહિત શેટ્ટીનું કહેવું અયોગ્ય નથી કારણ કે, સિંઘમમાં અજય દેવગનનો બાજીરાવ સિંઘમનો અંદાજ ઘણો જબરદસ્ત છે અને તે ફેન્સને ખુબ ગમે છે.
