લાંબો ઘૂંઘટ તાણીને પરીક્ષા આપવા પહોંચ્યા દાદી

નવી દિલ્હી, મધ્યપ્રદેશના દમોહ જિલ્લામાં ૧૨૦૯ કેન્દ્રો પર નવી સાક્ષર પરીક્ષા લેવામાં આવી હતી. આ પરીક્ષા સવારે ૧૦ઃ૦૦ થી સાંજના ૫ઃ૦૦ વાગ્યા સુધી ચાલી હતી. આ પરીક્ષામાં ૧૫ વર્ષથી લઈને ૯૫ વર્ષની વયના લોકોએ ભાગ લીધો હતો. પરીક્ષાખંડમાં જે દૃશ્યો સર્જાયા એ જોવા જેવા હતા.

પરીક્ષા દરમિયાન, કેટલીક મહિલાઓ સલવાર સૂટમાં અને કેટલીક તેમના માથા પર દુપટ્ટા સાથે પ્રશ્નપત્ર લખતી જોવા મળી હતી. ઘણી મહિલાઓ સાડી અને લાંબો બુરખો પહેરીને પરીક્ષા આપવા આવી હતી.

ઘણી મહિલાઓ તેમના પતિ સાથે પહોંચી હતી જ્યારે કેટલાકના પતિ પણ તેમની સાથે રૂમમાં બેસીને પરીક્ષા આપતા જોવા મળ્યા હતા. ડીપીસી મુકેશ દ્વિવેદીએ જણાવ્યું હતું કે, નવી સાક્ષર પરીક્ષા દ્વારા ગ્રામ્ય વિસ્તારના પુરૂષો, મહિલાઓ અને વૃદ્ધોને સાક્ષર બનાવવામાં આવી રહ્યા છે.

પરીક્ષામાં કુલ ૧૫૦ ગુણનું પ્રશ્નપત્ર હોય છે, જેમાં ૫૦ ગુણ વાંચન માટે, ૫૦ ગુણ લેખન માટે અને ૫૦ ગુણ સંખ્યાત્મક જ્ઞાન માટે હોય છે. પાસ થવા માટે માત્ર ૪૫ માર્કસ નક્કી કરવામાં આવ્યા છે. ૪૫૦ માર્કસ મેળવનાર ઉમેદવારોને પરીક્ષામાં પાસ થવાનું પ્રમાણપત્ર આપવામાં આવશે. વર્ષ ૨૦૨૭ સુધીમાં કોઈ પણ વ્યક્તિ નિરક્ષર ન રહે તે માટે નવી સાક્ષર પરીક્ષાનું આયોજન કરવામાં આવી રહ્યું છે.

સિંધી કેમ્પ મિડલ સ્કૂલ, દમોહમાં અભ્યાસ કરતા ચંદ્રાવતી ગુપ્તા (૪૮), રીટા અહિરવાર (૩૫) અને ગેંડા અહિરવાર (૨૫) ત્રણેય તેમના ઘરના કામકાજ છોડીને પરીક્ષા કેન્દ્ર પહોંચ્યા હતા. તેણે નિયમ મુજબ પરીક્ષા આપી હતી.

પરીક્ષા આપ્યા બાદ મહિલાઓએ કહ્યું હતું કે, એ સમયે પરિસ્થિતિ સારી ન હતી. તે સમયે ગામમાં છોકરીઓને વધારે ભણાવા દેવામાં ન હતી આવતી. જેથી તેઓને બાળપણમાં શાળાએ જવાનો મોકો મળ્યો ન હતો.SS1MS