આલિયાનું ફહાદ ફાઝિલ સાથે કામ કરવાનું સપનું

મુંબઈ, આલિયા ભટ્ટ કેન્સ ફિલ્મ ફેસ્ટિવલની ક્લોસિંઝ સેરેમનીમાં હાજરી આપી હતી. તેણે લોરિઅલ પેરિસ બ્રાન્ડની ઇવેન્ટમાં હાજરી આપી હતી.

સોમવારે વોગ મેગેઝીન દ્વારા યુટ્યુબ પર એક વીડિયો શેર કરવામાં આવ્યો હતો, જેમાં આલિયા તૈયાર થતી હતી. આ લૂકમાં તેણે ગુચી દ્વારા તૈયાર થયેલી પહેલી કસ્ટમાઇઝ્ડ સાડી પહેરી હતી. આ પાંચ મિનિટના વીડિયોમાં આલિયા કહે છે, “આજે કેન્સ ફિલ્મ ફેસ્ટિવલની ક્લોઝિંગ સેરેમની છે. હું આ વર્ષે પહેલી વખત કેન્સમાં આવી છું.

બિલકુલ હું આ અંગે બહુ ઉત્સાહીત હતી, થોડી નર્વસ પણ હતી. આ પ્રકારના કેઓસમાં મને બહુ મજા આવે છે.”આલિયાએ આગળ કહ્યું, “આ થોડી વિચિત્ર વાત છે, ખબર નહીં કેમ પણ કેઓસ હંમેશા મને શોધી જ લે છે. થોડી જ વાર પહેલાં છેલ્લાં ચાર કલાકથી અમારે ત્યાં લાઇટ નહોતી. તેથી અમિત (અમિત ઠાકુર – ધ હેરસ્ટાઇલિસ્ટ)અહીં મારા એક્સ્ટેન્શન લેતો હતો, તો એણે બહાર સૂર્યના તાપમાં એને ગોઠવ્યા, જેથી ગરમ થઈ શકે, કારણ કે અમારે લાઇટ નહોતી.

હમણા છેક લાઇટ આવી છે.”બીજી તરફ આલિયાએ એક ઇન્ટરવ્યુમાં મલિયાલમ સુપરસ્ટાર ફહાદ ફાઝીલ સાથે કામ કરવાની ઇચ્છા વ્યક્ત કરી છે. આલિયા અને રણબીર બંને ફહાદના ફૅન્સ છે, ત્યારે આલિયાએ ફહાદને એક અદ્દભુત કલાકાર ગણાવ્યો હતો.

કેન્સ દરમિયાન આલિયાએ એક ઇન્ટરવ્યુમાં કહ્યું, “ફહાદ ફાઝિલ એક એવો કલાકાર છે, એ અને એમનું કામ ખરેખર મને બહુ ગમે છે. મને લાગે છે આવેશમ મારી ફેવરીટ ફિલ્મ છે અને એમાં એનો રોલ માની ન શકાય એવો હતો.

ક્યારેક એની સાથે કામ કરવાની મારી ઇચ્છા છે.” આલિયાએ ડા‹લગમાં તેની સાથે કામ કરી ચુકેલા રોશન મેથ્યુ અંગે પણ વાત કરી હતી. તેણે કહ્યું, “ઘણા કલાકારો અને ઘણા ટેલેન્ટેડ લોકો છે. હું નસીબદાર હતી કે મને ડા‹લગ્ઝમાં રોસન મેથ્યુ સાથે કામ કરવા મળ્યું. એ બિલકુલ એક અદ્દભુત કલાકાર છે.

તેણે મલયાલમ સિનેમામાં ઘણું કામ કર્યું છે. હવે તે હિન્દીમાં પણ ઘણું સારું કામ કરી રહ્યો છે.”પ્રાદેશિક ફિલ્મના કલાકારો સાથે કામ કરવા બાબતે આગળ આલિયાએ કહ્યું, “પેન્ડેમિકે મને એક બાબત શીખવી, તે એવી છે કે આપણે બધાં એક જૂથ છીએ, હવે કન્ટેન્ટ નવા પ્લેટફર્મ પર આવી રહ્યું છે અને એ ગ્લોબલ પ્લેટફર્મ છે, જ્યાં બધાં જ તેને જોઈ શકે છે – તો બધા પાસે ઘણું જોવાનું છે. તમે તમારી ઇચ્છા મુજબ તમને ગમે તે કન્ટેન્ટ જોઈ શકો છો.”SS1MS