અલ્લુ અર્જુનનું ‘પુષ્પા ૨’ માટે ગદર એવોર્ડથી સન્માન થશે

મુંબઈ, અલ્લુ અર્જુનને ફિલ્મ ‘પુષ્પા ૨’ માં તેના અભિનય માટે ખૂબ પ્રશંસા મળી હતી. હવે તેલંગાણા સરકારે ‘ગદર તેલંગાણા ફિલ્મ એવોડ્‌ર્સ ૨૦૨૪’ ની જાહેરાત કરી. આ કાર્યક્રમનો હેતુ તેલુગુ ફિલ્મ ઉદ્યોગને પ્રોત્સાહન આપવાનો છે.

‘કલ્કી ૨૮૯૮ એડી’ ને શ્રેષ્ઠ ફીચર ફિલ્મનો એવોર્ડ આપવામાં આવ્યો હતો, જ્યારે અલ્લુ અર્જુનને ‘પુષ્પા-૨’ માં તેના કામ માટે શ્રેષ્ઠ અભિનેતાનો એવોર્ડ આપવામાં આવ્યો હતો. અને આ સન્માન ફિલ્મના સ્ક્રીનિંગ દરમિયાન ભાગદોડ અને તેમાં એક મહિલાના મૃત્યુ માટે ધરપકડ થયાના ઘણા મહિનાઓ પછી અભિનેતાને મળ્યું છે.

તેલંગાણા ફિલ્મ વિકાસ નિગમના અધ્યક્ષ દિલ રાજુ અને પીઢ અભિનેત્રી જયસુધાએ મસાબટાંકના સમાચાર ભવનમાં એક પ્રેસ કોન્ફરન્સમાં ‘ગદર તેલંગાણા ફિલ્મ એવોડ્‌ર્સ ૨૦૨૪’ ની જાહેરાત કરી. જયસુધાએ દિલ રાજુ સાથે મળીને ૧૫ સભ્યોની જ્યુરી સમિતિની અધ્યક્ષતા કરી હતી જેણે વિજેતાઓની પસંદગી કરી હતી.

સોશિયલ મીડિયા પ્લેટફોર્મ પર એક પોસ્ટ શેર કરતા, અલ્લુ અર્જુને કેપ્શનમાં લખ્યું, ‘ગદર તેલંગાણા ફિલ્મ એવોડ્‌ર્સ ૨૦૨૪ માં પુષ્પા ૨ માટે પ્રથમ શ્રેષ્ઠ અભિનેતાનો પુરસ્કાર પ્રાપ્ત કરીને હું ખરેખર સન્માનિત છું. આ પ્રતિષ્ઠિત સન્માન માટે તેલંગાણા સરકારનો આભાર. હું આ પુરસ્કાર મારા બધા ચાહકોને સમર્પિત કરું છું, તમારો અવિરત ટેકો મને પ્રેરણા આપે છે.’

તેલંગાણાની રચના પછી આ પ્રથમ સત્તાવાર રાજ્ય સ્તરનો ફિલ્મ પુરસ્કાર છે. છેલ્લે આ એવોર્ડ સમારોહનું આયોજન વર્ષ ૨૦૧૧ માં કરવામાં આવ્યું હતું. જયસુધાએ જણાવ્યું હતું કે જ્યુરીને ૧૧ શ્રેણીઓમાં પુરસ્કારો માટે ૧,૨૪૮ નામાંકન મળ્યા હતા.

હવે ૧૪ જૂને દરેકને પુરસ્કારો આપવામાં આવશે. મુખ્યમંત્રી એ. રેવંત રેડ્ડીએ ગયા વર્ષે જાહેરાત કરી હતી કે તેલુગુ સિનેમાને પ્રોત્સાહન આપવા માટે નંદી પુરસ્કારનું ફરીથી આયોજન કરવામાં આવશે અને તેનું નામ બદલીને ક્રાંતિકારી કવિ અને ગીતકાર ગુમ્માડી વિઠ્ઠલ રાવ ઉર્ફે ગદ્દાર રાખવામાં આવશે, જેમનું ૨૦૨૩ માં અવસાન થયું હતું.SS1MS