અંબાણી પરિવારે જસ્ટિન બીબર સાથે કરી મુલાકાત
મુંબઈ, જસ્ટિન બીબરે રાધિકા મર્ચન્ટ અને અનંત અંબાણીના સંગીતની સુંદર તસવીરો શેર કરી છે. તસ્વીરોમાં, જસ્ટિન અનંત અને પરિવાર સાથે હોટલમાં મુલાકાત કરતો જોવા મળે છે, જસ્ટીને અનંત અંબાણી અને રાધિકાના સંગીતમાં પરફોર્મ કરવા માટે ૮૪ કરોડ રૂપિયા લીધા હતા.
પોપ સ્ટાર જસ્ટિન બીબરે તાજેતરમાં અનંત અંબાણી અને રાધિકા મર્ચન્ટના સંગીત સમારોહમાં પરફોર્મ કરીને ધૂમ મચાવી હતી. પ્રદર્શન પછી તરત જ, જસ્ટિન બીબરે મિયામીની ફ્લાઇટ લીધી. હવે તેણે રાધિકા અને અનંતના સંગીતમાંથી ન જોયેલી તસવીરો શેર કરી છે, જે સોશિયલ મીડિયા પર વાયરલ થઈ રહી છે.
આ તસવીરોમાં જસ્ટિન બીબર ટૂંક સમયમાં લગ્ન કરવા જનાર કપલ રાધિકા મર્ચન્ટ અને અનંત અંબાણી સાથે પોઝ આપતા જોવા મળે છે. તસવીરોમાં શ્લોકા મહેતા અને આનંદ પીરામલ પણ છે. કેટલીક તસવીરોમાં અનંત અંબાણી બેસીને વાત કરતા જોવા મળે છે જ્યારે જસ્ટિન તેમની સામે જોઈ રહ્યો છે. બંને અનંત અંબાણીની હોટલના રૂમમાં છે.
રાધિકા અને અનંતની સંગીત સેરેમની શુક્રવાર, ૫ જુલાઈએ ર્ત્નૈ કન્વેન્શન સેન્ટરમાં થઈ હતી. જેમાં ફિલ્મ ઈન્ડસ્ટ્રી, સ્પોટ્ર્સ અને બિઝનેસ જગતની અનેક મોટી હસ્તીઓએ ભાગ લીધો હતો.
સલમાન ખાન, માધુરી દીક્ષિત, કિયારા અડવાણી, સિદ્ધાર્થ મલ્હાત્રા, જાહ્નવી કપૂર, રણબીર કપૂર, આલિયા ભટ્ટ અને સારા અલી ખાન સહિત ઘણા સ્ટાર્સ જોવા મળ્યા હતા.
સલમાન અને રણવીર સિંહે બેક ટુ બેક ગીતો પર પણ પરફોર્મ કર્યું હતું. સલમાને રાધિકા અને અનંતના સંગીતમાં વિકી કૌશલ સાથે સ્ટેજ પર ડાન્સ પણ કર્યાે હતો. જસ્ટિન બીબરે તેના ઘણા હિટ ગીતો પર જબરદસ્ત પરફોર્મન્સ આપ્યું હતું. તેણે ‘બેબી’, ‘લવ યોરસેલ્ફ’, ‘સોરી’ અને ‘બેબી પીચીસ’ જેવા ગીતો પર પરફોર્મ કર્યું હતું. સંગીત સેરેમની દરમિયાન જસ્ટિન બીબરે રાજા અનંત અંબાણીને પોતાની તરફ ખેંચ્યા અને પછી ગળે લગાવ્યા. આનો એક વીડિયો પણ સામે આવ્યો છે, જે સોશિયલ મીડિયા પર વાયરલ થઈ રહ્યો છે.SS1MS
