અમેરિકાએ ગેરકાયદેસર રહેતા ભારતીય ઇમિગ્રન્ટ્સને દેશનિકાલ કરવાનું શરૂ કર્યું
નવી દિલ્હી, અમેરિકાનું એક લશ્કરી વિમાન સ્થળાંતર કરનારાઓને ભારત મોકલી રહ્યું છે. રોઇટર્સના અહેવાલ મુજબ, આ માહિતી એક અમેરિકન અધિકારીએ આપી છે.
રાષ્ટ્રપતિ ડોનાલ્ડ ટ્રમ્પ તેમના ઇમિગ્રેશન એજન્ડાને અમલમાં મૂકવા માટે સૈન્યનો ઉપયોગ કરી રહ્યા છે, જેમાં યુએસ-મેક્સિકો સરહદ પર વધારાના સૈનિકો મોકલવા, સ્થળાંતર કરનારાઓને દેશમાંથી બહાર કાઢવા માટે લશ્કરી વિમાનોનો ઉપયોગ કરવો અને તેમને રહેવા માટે લશ્કરી થાણા ખોલવાનો સમાવેશ થાય છે.
ડોનાલ્ડ ટ્રમ્પે અમેરિકાના ઇતિહાસમાં સૌથી મોટા દેશનિકાલનું વચન આપ્યું છે અને યુએસ ઇમિગ્રેશન અને કસ્ટમ્સ એન્ફોર્સમેન્ટ એ દેશનિકાલ માટે ચિહ્નિત કરાયેલા ૧૫ લાખ લોકોમાંથી લગભગ ૧૮,૦૦૦ બિનદસ્તાવેજીકૃત ભારતીય નાગરિકોની પ્રારંભિક યાદી તૈયાર કરી છે.
પેન્ટાગોને ટેક્સાસના એલ પાસો અને કેલિફોર્નિયાના સાન ડિએગોમાં યુએસ અધિકારીઓ દ્વારા પકડાયેલા ૫,૦૦૦ થી વધુ ઇમિગ્રન્ટ્સને દેશનિકાલ કરવા માટે ફ્લાઇટ્સ પણ શરૂ કરી દીધી છે.લશ્કરી વિમાનોએ સ્થળાંતર કરનારાઓને ગ્વાટેમાલા, પેરુ અને હોન્ડુરાસ પહોંચાડ્યા છે. લશ્કરી ફ્લાઇટ્સ સ્થળાંતર કરનારાઓને પરિવહન કરવા માટે એક ખર્ચાળ રીત છે.
રોઇટર્સના અહેવાલ મુજબ, ગયા અઠવાડિયે ગ્વાટેમાલા જવા માટે લશ્કરી ડિપો‹ટગ ફ્લાઇટનો ખર્ચ પ્રતિ સ્થળાંતર કરનાર ઓછામાં ઓછો ઇં૪,૬૭૫ હતો.SS1MS
