પ્રેગ્નન્સી વિશે અંકિતા લોખંડેનો ચોંકાવનારો ખુલાસો

મુંબઈ, બિગ બોસ ૧૭ મોટી સીઝન હોય તેવું લાગે છે. અંકિતા લોખંડે બિગ બોસના ઘરમાં ચોંકાવનારા ખુલાસા કરતી જાેવા મળી રહી છે. અંકિતા લોખંડે તેના પતિ વિકી જૈનને કહે છે કે છેલ્લા કેટલાક દિવસોથી મારી તબિયત બગડી રહી છે.

મને અહીં બિલકુલ સારું નથી લાગી રહ્યું. મને પીરિયડ્‌સ પણ નથી આવી રહ્યા. જ્યારે અંકિતા વાત કરી રહી હતી, ત્યારે વિકી કહે છે કે તમે ગઈકાલે કહ્યું હતું કે તને પીરિયડ્‌સ આવ્યા છે એમ. તરત જ અંકિતા લોખંડે ગુસ્સે થઈ જાય છે અને કહે છે કે મેં તને ગઈ કાલે કહ્યું હતું કે મને પીરિયડ્‌સ નથી આવ્યા. અંકિતા વધુમાં કહે છે કે હું ખૂબ દુખી થઈ રહી છું અને મારી તબિયત સારી નથી. અંકિતા સીધું કહે છે કે મને લાગે છે કે હું પ્રેગ્નન્ટ છું.

અંકિતાએ પણ કહેતી જાેવા મળી રહી છે કે મારે જાણવું છે કે મારા પેટમાં શું છે. અંકિતા લોખંડેનો બ્લડ ટેસ્ટ અને યુરિન ટેસ્ટ બિગ બોસ દ્વારા કરવામાં આવ્યો હતો. આટલું જ નહીં અંકિતા લોખંડેનો પ્રેગ્નન્સી ટેસ્ટ પણ કરવામાં આવ્યો હતો. જાે કે તેનો રિપોર્ટ આવવાનો બાકી છે. જાે કે, અંકિતા અગાઉ પણ ઘરમાં સીધું જ કહેતી જાેવા મળી હતી કે તે આંબલી ખાવા માંગે છે. આ પછી બધાએ તેને સીધું જ પૂછ્યું કે, શું તે ગર્ભવતી છે.

હવે તેમાં અંકિતા લોખંડેએ વિકીને આ બધું કહ્યું છે. જ્યારે અંકિતા વિકી જૈન સાથે તેની પ્રેગ્નન્સી વિશે વાત કરતી જાેવા મળી હતી. તે સમયે વિકી જૈન પણ ઉત્સાહી દેખાતો ન હતો કે તે ખુશ પણ નહોતો. તેમની વાતો પણ રોજની જેમ સારી નહોતી, એકદમ સામાન્ય દેખાતી હતી.

જેના કારણે હાલ વિવિધ ચર્ચાઓ જાેવા મળી રહી છે. શું અંકિતા લોખંડે ખરેખર ગર્ભવતી છે? આ સવાલ પણ ફેન્સ પૂછી રહ્યા છે. બિગ બોસ ૧૭માં અંકિતા લોખંડે અને તેના પતિ વિકી જૈન વચ્ચે મોટો ઝઘડો થતો જાેવા મળે છે. અંકિતા લોખંડેએ તેના પતિ વિકી જૈન પર અનેક ગંભીર આરોપો લગાવ્યા છે. અંકિતા લોખંડે અને વિકી જૈન વચ્ચેનો વિવાદ વધી રહ્યો હોય તેમ લાગી રહ્યું છે. હવે લાઈવ અંકિતા લોખંડે તેના પતિ વિકી જૈન સાથે પ્રેગ્નન્સી વિશે વાત કરતી જાેવા મળી રહી છે. SS1SS