પાકિસ્તાનને $૮૦૦ મિલિયનની સહાય મળતા ભારતે સખત વાંધો ઉઠાવ્યો

એશિયન ડેવલપમેન્ટ બેંકએ પાકિસ્તાન માટે આર્થિક પેકેજ મંજૂર કર્યું

ભારતે એવો ભય વ્યક્ત કર્યાે છે કે પાકિસ્તાન વિકાસના નામે લેવાયેલા આ પૈસા તેની આંતરિક નીતિઓ અને સંરક્ષણ ક્ષેત્ર પર ખર્ચ કરી શકે છે

નવી દિલ્હી,આર્થિક સંકટનો સામનો કરી રહેલા પાકિસ્તાનને ફરી એકવાર આંતરરાષ્ટ્રીય નાણાકીય સંસ્થાઓ તરફથી રાહત મળી છે. એશિયન ડેવલપમેન્ટ બેંક (ADB)એ પાકિસ્તાન માટે ૮૦૦ મિલિયન ડોલર એટલે કે લગભગ ૮૦ કરોડ યુએસ ડોલરના મોટા આર્થિક પેકેજને મંજૂરી આપી છે. આ રકમ પાકિસ્તાનને તેની ડગમગતી અર્થવ્યવસ્થાને સંભાળવા, નાણાકીય વ્યવસ્થાપનમાં સુધારો કરવા અને સંસાધનોનો વધુ સારો ઉપયોગ કરવાના ઉદ્દેશ્યથી આપવામાં આવી રહી હોવાનું મનાય છે. જો કે, ભારતે ADB દ્વારા પાકિસ્તાનને આપવામાં આવતી નાણાકીય સહાય સામે સખત વાંધો વ્યક્ત કર્યાે છે.

ભારત સરકારના સૂત્રોના જણાવ્યા અનુસાર, નવી દિલ્હીએ ADBને સ્પષ્ટપણે ચેતવણી આપી છે કે પાકિસ્તાન આ સહાયનો દુરુપયોગ કરી શકે છે. ભારતે ખાસ કરીને પાકિસ્તાનના વધતા લશ્કરી ખર્ચ, ઘટતા ટેક્સ-GDP ગુણોત્તર અને આર્થિક સુધારાઓમાં સ્પષ્ટ પ્રગતિના અભાવને ટાંકીને ચિંતા વ્યક્ત કરી છે. ભારતે એમ પણ કહ્યું કે પાકિસ્તાન જે રીતે વિકાસને બદલે તેની લશ્કરી ક્ષમતાઓ પર ખર્ચ સતત વધારી રહ્યું છે તે ચિંતાનો વિષય છે. ADBની સહાયના ઉપયોગ અંગે પારદર્શિતાનો અભાવ પણ ભારતના વાંધામાં સામેલ છે. ભારતે એવો ભય વ્યક્ત કર્યાે છે કે પાકિસ્તાન વિકાસના નામે લેવાયેલા આ પૈસા તેની આંતરિક નીતિઓ અને સંરક્ષણ ક્ષેત્ર પર ખર્ચ કરી શકે છે, જે પ્રાદેશિક સ્થિરતાને પણ અસર કરી શકે છે. SS1