સૈફ હુમલા કેસમાં બાંગ્લાદેશી નાગરિકને પાંચ દિવસના રિમાન્ડ

નવી દિલ્હી, બોલિવૂડ સ્ટાર સૈફ અલી ખાન પર હુમલાના ત્રણ દિવસ પછી મુંબઈ પોલીસને આરોપીની ધરપકડ કરવામાં સફળતા મળી હતી. પોલીસે થાણેમાંથી વહેલી સવારે આ સૈફ અલી ખાન પર હુમલા કરવો બદલ એક બાંગ્લાદેશી નાગરિકની ધરપકડ હતી. કોર્ટે આરોપી શરીફુલ ઇસ્લામ શહેજાદ મોહમ્મદ રોહિલ્લા અમીન ફકીર (૩૦)ને પાંચ દિવસની પોલીસ કસ્ટડીના રિમાન્ડમાં મોકલ્યો હતો.

પોલીસે આ હુમલામાં આંતરરાષ્ટ્રીય ષડયંત્રની પણ આશંકા વ્યક્ત કરી હતી. પોલીસે જણાવ્યું હતું કે પ્રાથમિક તપાસ સંકેત મળે છે કે આરોપીને એ ખબર ન હતી કે તે બોલિવૂડ સ્ટારના ઘરમાં ઘુસ્યો છે અને તેનો ઇરાદો ચોરી કરવાનો હતો. બાંગ્લાદેશથી ગેરકાયદેસર રીતે ભારતમાં પ્રવેશ્યા બાદ શહેજાદે પોતાનું નામ બદલીને બિજોય દાસ રાખ્યું હતું.

શહેઝાદ અભિનેતા સૈફના એપાર્ટમેન્ટમાં ૧૫ જાન્યુઆરીની વહેલી સવારે ચોરીના ઇરાદે ઘુસ્યો હતો તેમ જણાવતાં પોલીસે કહ્યું હતું કે પ્રારંભિક તપાસ સૂચવે છે કે તે મકાનના સાતમા-આઠમા માળે સીડીઓથી ગયો હતો.

જ્યાં ખાન અને તેની અભિનેતા પત્ની કરીના કપૂર તેમના બાળકો અને ઘરના કર્મચારીઓ સાથે રહે છે, તે ડક્ટ વિસ્તારમાં પ્રવેશ્યો હતો અને પાઇપનો ઉપયોગ કરીને ૧૨માં માળે ચઢ્યો અને બાથરૂમની બારીમાંથી અભિનેતાના ફ્લેટમાં પ્રવેશ કર્યાે હતો. તે પછી બાથરૂમમાંથી બહાર આવતાં અભિનેતાના સ્ટાફે તેને જોયો હતો. આરોપીએ રૂપિયા એક કરોડની ખંડણી માગી હતી.

બૂમાબૂમ સાંભળીને સૈફ દોડી આવ્યો હતો અને ઝપાઝપીમાં સૈફને છરી વાગી હતી. તેણે રૂમમાં આરોપીને બંધ કરી દીધો હતો. જોકે તે જે વિસ્તારમાંથી ફ્લેટમાં ઘુસ્યો હતો ત્યાંથી જ બહાર નીકળી ગયો હતો. વહેલી સવારે પોલીસે એક લેબર કોન્ટ્રાક્ટની બાતમીને આધારે થાણેના જંગલ વિસ્તારમાં એક મજૂર કેમ્પમાંથી શહેઝાદને ઝડપી લીધો હતો.

બચાવ પક્ષના વકીલ સંદીપ ડી શેરખાનેએ દલીલ કરી હતી કે તેમના અસીલ ઘણા વર્ષાેથી દેશમાં રહે છે અને તેની પાસે મહત્વપૂર્ણ દસ્તાવેજો છે અને તેનો પરિવાર પણ ભારતમાં રહે છે.અભિનેતા સૈફ અલી ખાનને કારણે કેસને ખોટી રીતે ચગાવવામાં આવ્યો છે.

પોલીસે જણાવ્યું કે આરોપીએ ગુનો કબૂલી લીધો છે. કોર્ટમાં આરોપીને પહેલા તેનો ચહેરો બતાવવાનું કહેવામાં આવ્યું અને પછી તેનું નામ પૂછવામાં આવ્યું હતું.

આરોપીએ પોતાનું નામ જણાવ્યું હતું. કોર્ટે આરોપીને પૂછ્યું કે શું તેને પોલીસ સામે કોઈ ફરિયાદ છે? આના પર આરોપીએ ‘ના’ કહ્યું. પોલીસે જણાવ્યું કે અમને ઘટનાસ્થળેથી એક છરી મળી આવી છે. આરોપીએ ઘટના સમયે પહેરેલા કપડાં ક્યાંક છુપાવી દીધા છે.SS1MS