દેશના લોકપ્રિય મુખ્યમંત્રીઓમાં પ્રથમ ક્રમે આ રાજ્યના મુખ્યમંત્રી

લોકસભા ચૂંટણી પહેલા દેશના લોકપ્રિય મુખ્યમંત્રીને લઈ સર્વે થયો-ચોથા નંબરે ગુજરાતના મુખ્યમંત્રી ભૂપેન્દ્ર પટેલ

(એજન્સી) નવીદિલ્લી, લોકસભા ચૂંટણી પહેલા એક સર્વેમાં દેશના લોકપ્રિય મુખ્યમંત્રીઓને લઈ એક મોટી અપડેટ સામે આવી છે. વિગતો મુજબ ભારતના સૌથી લોકપ્રિય મુખ્યમંત્રીઓ પર કરવામાં આવેલા સર્વેના પરિણામો ખૂબ જ રસપ્રદ બહાર આવ્યા છે. તાજેતરના એક સર્વે મુજબ યુપીના યોગી આદિત્યનાથ દેશના સૌથી લોકપ્રિય મુખ્યમંત્રીઓમાં બીજા ક્રમે છે. ત્રીજા નંબરે આસામના મુખ્યમંત્રી હિમંતા બિસ્વા સરમા છે. જોકે સર્વે અનુસાર પ્રથમ સ્થાન પરનું નામ ઘણું આશ્ચર્યજનક છે.

રાજ્યના મુખ્ય પ્રધાનોના કાર્યનું મૂલ્યાંકન કરવા માટે હાથ ધરાયેલા તાજેતરના સર્વે અનુસાર ત્રિપુરાના મુખ્ય પ્રધાન ડૉ.માણિક સાહા મુખ્ય પ્રધાનોમાં લોકપ્રિયતા રેટિંગના સંદર્ભમાં ટોચના પાંચમાં સ્થાન મેળવ્યું છે. સર્વેનો ઉદ્દેશ્ય દેશના મુખ્ય પ્રધાનોની લોકપ્રિયતા અને સ્વીકાર્યતાનું મૂલ્યાંકન કરવાનો હતો, જેનાથી કેટલાક રસપ્રદ પરિણામો સામે આવ્યા છે.

સર્વે અનુસાર ઓડિશાના મુખ્યમંત્રી નવીન પટનાયક ૫૨.૭ ટકાના અભૂતપૂર્વ લોકપ્રિયતા રેટિંગ સાથે પ્રથમ ક્રમે છે. ઉત્તર પ્રદેશના મુખ્યમંત્રી યોગી આદિત્યનાથ ૫૧.૩ ટકા લોકપ્રિયતા રેટિંગ સાથે બીજા સ્થાને છે. ત્રીજા સ્થાને આસામના મુખ્યમંત્રી હિમંતા બિસ્વા સરમા છે, જેમને ૪૮.૬ ટકા રેટિંગ મળ્યું છે. આ તરફ ચોથા નંબરે ગુજરાતના મુખ્યમંત્રી ભૂપેન્દ્ર પટેલ છે, જેમને ૪૨.૬ ટકા રેટિંગ મળ્યું છે તો વળી ડૉ. માણિક સાહા ૪૧.૪ ટકા લોકપ્રિયતા રેટિંગ સાથે પાંચમા સ્થાને છે.

જાહેર અભિપ્રાયના સર્વે પછી ત્રિપુરાના એક સ્થાનિક રહેવાસી અને ઉદ્યોગપતિએ મુખ્યમંત્રી સાહાની પ્રશંસા કરી અને કહ્યું, મુખ્યમંત્રી સાહા પ્રામાણિક છે, અને હંમેશા પાયાના સ્તરે કામ કરે છે. કોઈપણ પ્રકારની સમસ્યાના ઉકેલ માટે તેઓ હંમેશા હાજર રહે છે. નોંધનીય છે કે, માર્ચ ૨૦૨૩માં દંત ચિકિત્સક બનેલા-ભાજપના નેતા માણિક સાહા જેમણે પક્ષને ત્રિપુરામાં સત્તા પર પહોંચાડ્યો હતો

તેમણે સતત બીજી વખત રાજ્યના મુખ્યમંત્રી તરીકે શપથ લીધા હતા. ભાજપને જીત અપાવનાર માણિક સાહા ડેન્ટલ સર્જન છે જે ૨૦૧૬માં કોંગ્રેસ છોડીને ભાજપમાં જોડાયા હતા. તેમને ૨૦૨૦માં રાજ્ય પક્ષના વડા બનાવવામાં આવ્યા હતા અને માર્ચ ૨૦૨૨ માં રાજ્યસભા માટે ચૂંટાયા હતા.