બિગબ્લોક કન્સ્ટ્રક્શનનો FY202-23નો ચોખ્ખો નફો રૂ. 30.14 કરોડ થયો

સુરત, એરેટેડ ઓટોક્લેવ્ડ કોંક્રિટ (AAC) બ્લોક્સ, બ્રિક્સ અને પેનલ્સના ભારતના સૌથી મોટા ઉત્પાદકોમાંના એક બિગબ્લોક કન્સ્ટ્રક્શન લિમિટેડે માર્ચ 2023 માં પૂરા થયેલા નાણાંકીય વર્ષ માટે રૂ. 30.14 કરોડ (ચોખ્ખા નફાનું માર્જિન 15.0%) નો કોન્સોલિડેટેડ ચોખ્ખો નફો નોંધાવ્યો છે. BigBloc Construction Ltd Reports Net Profit of Rs. 30.14 crore in FY23, rise of 87.4% Y-o-Y

નાણાંકીય વર્ષ 2022માં રૂ. 16.08 કરોડ (ચોખ્ખા નફાનું માર્જિન 9.2%) ના ચોખ્ખા નફાની સરખામણીમાં વાર્ષિક ધોરણે 87.4% વૃદ્ધિ જોવા મળી છે. નાણાંકીય વર્ષ 2023 દરમિયાન કુલ આવક રૂ. 200.94 કરોડ નોંધાઈ હતી, જે નાણાંકીય વર્ષ 2022 માં રૂ. 175.78 કરોડની કુલ આવકની સરખામણીએ વાર્ષિક ધોરણે 14.3% વધુ છે.

નાણાંકીય વર્ષ 2023 માટે એબિટા રૂ. 50.84 કરોડ (એબિટા માર્જિન 25.3%) હતી જે નાણાંકીય વર્ષ 2022માં રૂ. 27.70 કરોડની એબિટા (એબિટા માર્જિન 15.8%) સામે 83.5% નો વધારો દર્શાવે છે. નાણાંકીય વર્ષ 2023 માટે ઈપીએસ રૂ. 4.28 પ્રતિ શેર હતી. કંપનીએ નાણાંકીય વર્ષ 2022-23 માટે શેર દીઠ રૂ. 2ની ફેસ વેલ્યુ પર શેર દીઠ 40 પૈસા એટલે કે 20%ના ડિવિડન્ડની ભલામણ કરી છે.

કંપનીની સંપૂર્ણ માલિકીની પેટાકંપની – બિગબ્લોક બિલ્ડિંગ એલિમેન્ટ્સ પ્રાઈવેટ લિમિટેડે પશ્ચિમ ભારતમાં એએસી બ્લોક્સની વધતી જતી માંગને પહોંચી વળવા મહારાષ્ટ્રના પાલઘરમાં વાડા ખાતે વાર્ષિક 5-લાખ ક્યુબિક મીટર (cbm)નું વાણિજ્યિક ઉત્પાદન તાજેતરમાં શરૂ કર્યું છે. સંપૂર્ણ ક્ષમતા પર, વાડા પ્લાન્ટ વાર્ષિક રૂ. 200 કરોડની આવક મેળવશે તેવી અપેક્ષા છે અને પ્લાન્ટમાં લગભગ 350-400 લોકોને રોજગારી આપશે.

2015 માં સ્થાપિત, બિગબ્લોક કંસ્ટ્રક્શન લિમિટેડ એએએસી બ્લોક સ્પેસમાં વાર્ષિક 8.25 લાખ સીબીએમની સ્થાપિત ક્ષમતા સાથે સૌથી મોટી અને એકમાત્ર લિસ્ટેડ કંપની છે. ગ્રીન અને બિન-ઝેરી મકાન બાંધકામ સામગ્રી, એએસી બ્લોક્સ કિફાયતી, હળવા, સાઉન્ડપ્રૂફ, શ્રેષ્ઠ બિલ્ડ ગુણવત્તા સાથે અગ્નિ પ્રતિકારક છે અને પરંપરાગત ઇંટોની તુલનામાં ઊર્જા બચાવે છે, પર્યાવરણને અનુકૂળ અને કિફાયતી પણ છે. આ સેગમેન્ટમાં તે એકમાત્ર કંપની છે જે તેની કામગીરીમાંથી કાર્બન ક્રેડિટ જનરેટ કરે છે.

આ અંગે ટિપ્પણી કરતાં, બિગબ્લોક કન્સ્ટ્રક્શન લિમિટેડના ચેરમેન શ્રી નારાયણ સાબૂએ જણાવ્યું હતું કે, “અમે અમારા તમામ હિતધારકોને જણાવતા ગર્વ અનુભવીએ છીએ કે કંપની તેના લાંબા ગાળાના વિકાસના રોડમેપ પર સારી રીતે પ્રગતિ કરી રહી છે. કંપનીએ વાર્ષિક ધોરણે સૌથી વધુ આવક, એબિટા અને ચોખ્ખો નફો સાથે નાણાંકીય વર્ષ 2023 માટે ઉત્તમ આંકડાઓ નોંધાવ્યા છે.

કંપની આવક, માર્જિન અને નફાકારકતામાં સ્વસ્થ વૃદ્ધિ જાળવીને મજબૂત ઓપરેશનલ અને નાણાંકીય કામગીરી આપીને મજબૂતાઈમાં વૃદ્ધિ કરી રહી છે. વ્યૂહાત્મક વૃદ્ધિની પહેલ, કામગીરીમાં કાર્યક્ષમતા અને પર્યાવરણને અનુકૂળ અને ટકાઉ બિલ્ડીંગ પ્રોડક્ટ્સ લોન્ચ કરવા માટેની પ્રતિબદ્ધતા તંદુરસ્ત વૃદ્ધિમાં ફાળો આપશે અને મધ્યમથી લાંબા ગાળાના તમામ હિતધારકો માટે મહત્તમ મૂલ્ય બનાવશે. અમે વૃદ્ધિની ગતિ ચાલુ રહેવાની અપેક્ષા રાખીએ છીએ અને આગામી વર્ષોમાં વધુ વેગ મળવાની અપેક્ષા રાખીએ છીએ.”

નાણાંકીય વર્ષ 2023ના ચોથા ત્રિમાસિક ગાળા માટે, કંપનીએ રૂ. 47.24 કરોડની કુલ આવક પર રૂ. 5.56 કરોડનો કન્સોલિડેટેડ ચોખ્ખો નફો નોંધાવ્યો છે. નાણાંકીય વર્ષ 2023ના ચોથા ત્રિમાસિક ગાળા માટે એબિટા રૂ. 11.30 કરોડ નોંધાઈ હતી.

થાઈલેન્ડના એસસીજી ગ્રુપ સાથેના સંયુક્ત સાહસમાં, કંપની અમદાવાદ, (ગુજરાત)ની નજીક કપડવંજ ખાતે એએલસી પેનલ્સ અને એએસી બ્લોક્સ માટે વાર્ષિક 3 લાખ સીબીએમનો  પ્લાન્ટ સ્થાપી રહી છે અને પ્રોજેક્ટ માટે 60,000 ચોરસ મીટર જમીન હસ્તગત કરી છે. આ પ્લાન્ટ નાણાંકીય વર્ષ 23-24માં વ્યાવસાયિક ઉત્પાદન શરૂ કરે તેવી અપેક્ષા છે.

“વાડા પ્રોજેક્ટ રાજ્ય સરકાર તરફથી 60% સબસિડી માટે પાત્ર છે અને કંપનીએ પહેલા તબક્કામાં અત્યાર સુધીમાં રૂ. 48 કરોડનું રોકાણ કર્યું છે. તમામ વિસ્તરણ પૂર્ણ થયા પછી, કંપનીની કુલ ક્ષમતા વધીને વાર્ષિક 13.75 લાખ સીબીએમ થશે અને તે દેશમાં એએસી બ્લોકનું સૌથી મોટું ઉત્પાદક બનશે.

કંપની પશ્ચિમ ભારતમાં એએસી બ્લોક્સની વધતી જતી માંગને પૂરી કરવા અને ભારતમાં એએસી બ્લોક સ્પેસમાં તેની નેતૃત્વની સ્થિતિને મજબૂત કરવા માટે વધુ સારી સ્થિતિમાં હશે. કંપની વિસ્તરણ પછી દર વર્ષે લગભગ 2.5 થી 3 લાખ યુનિટ કાર્બન ક્રેડિટ જનરેટ કરવાની અપેક્ષા રાખે છે,” એમ બિગબ્લોક કન્સ્ટ્રક્શન લિમિટેડના ડિરેક્ટર અને સીએફઓ શ્રી મોહિત સાબૂએ જણાવ્યું હતું.

બિગબ્લોક કન્સ્ટ્રક્શન લિમિટેડ એ ભારતની અગ્રણી એએસી બ્લોક અને સંબંધિત ઉત્પાદનોનું ઉત્પાદન કરતી કંપની છે. એએસી બ્લોક્સ એ શ્રેષ્ઠ ગુણવત્તાની બિલ્ડિંગ મટિરિયલ છે જે તાકાત, હળવા, થર્મલ ઇન્સ્યુલેશન, સાઉન્ડપ્રૂફ, અજોડ અગ્નિ પ્રતિકાર અને અત્યંત નિપુણ બિલ્ડિંગ ક્ષમતાનું અપ્રતિમ મિશ્રણ પૂરું પાડે છે.

કંપની તેના ઉત્પાદનોનું બ્રાન્ડ નેમ ‘NXTBLOC’ હેઠળ માર્કેટિંગ કરે છે. કંપનીના ક્લાયન્ટમાં લોધા, અદાણી રિયલ્ટી, ઇન્ડિયા બુલ્સ રિયલ એસ્ટેટ, પ્રેસ્ટિજ, પિરામલ, ઓબેરોય રિયલ્ટી, શિર્કે ગ્રૂપ, શાપૂરજી પાલનજી ગ્રૂપ, રાહેજા, પીએસપી પ્રોજેક્ટ્સ, લાર્સન એન્ડ ટુબ્રો, સનટેકનો સમાવેશ થાય છે.

વધુમાં, કાર્બન ફૂટપ્રિન્ટ્સને શક્ય તેટલું ઓછું રાખવાની પ્રતિબદ્ધતા સાથે, કંપની તેની ઉમરગામ અને કપડવંજ ઉત્પાદન સુવિધાઓમાં સોલાર રૂફટોપ પ્રોજેક્ટ્સ સ્થાપિત કરી રહી છે. કંપની દરેક પ્લાન્ટમાં 450 KW ની સોલાર રૂફટોપ સુવિધા સ્થાપિત કરી રહી છે. કંપની તેના બંને પ્લાન્ટમાં તેની વીજ જરૂરિયાતના આશરે 33% રિન્યુએબલ ગ્રીન એનર્જી – સોલાર પાવરથી બદલી શકશે.

નાણાંકીય વર્ષ 2023ના ચોથા ત્રિમાસિક ગાળાની કામગીરી પર એક નજર:-

નાણાંકીય વર્ષ 2023ના ચોથા ત્રિમાસિક ગાળા માટે ક્ષમતાનો ઉપયોગ લગભગ 80.11% હતો અને સંપૂર્ણ નાણાંકીય વર્ષ 2023 માટે 83.44% હતો.
નાણાંકીય વર્ષ 2023ના ચોથા ત્રિમાસિક ગાળા માટે વેચાણ હોળી અને બાંધકામ સાઇટ્સ પર મજૂરોની ઉપલબ્ધતાને કારણે ઓછું હતું.
કંપનીએ શાપૂરજી પાલનજી જેવા મુખ્ય ગ્રાહકો ઉમેર્યા છે. કંપનીએ તેની જામનગર સાઇટ પર રિલાયન્સ ઇન્ડસ્ટ્રીઝ લિમિટેડને સપ્લાય કરવાનું પણ શરૂ કર્યું છે.

કંપનીએ મહારાષ્ટ્ર અને ગુજરાતના નવા પ્રદેશોમાં માર્કેટિંગ શરૂ કર્યું છે અને તેની માર્કેટિંગ ટીમને પણ પ્રોત્સાહન આપ્યું છે.
કંપનીએ સંયુક્ત સાહસ કંપની – સિયામ સિમેન્ટ બિગબ્લોક કન્સ્ટ્રક્શન ટેક્નોલોજીસ પ્રાઈવેટ લિમિટેડમાં તેના આગામી વિસ્તરણ માટે ધિરાણ માટે બેંકિંગ જોડાણ પૂર્ણ કર્યું છે.