બિપાશા બાસુએ પહેલીવાર બતાવ્યો દીકરીનો ચહેરો

મુંબઈ, બિપાશા બાસુ અને કરણ સિંહ ગ્રોવર ગત વર્ષે નવેમ્બર મહિનામાં પહેલીવાર પેરેન્ટ્‌સ બન્યા હતા. દીકરીનો જન્મ થયો ત્યારથી બિપાશા બાસુ સોશિયલ મીડિયા પર તેની તસવીરો અને વિડીયો શેર કરતી રહે છે. જાેકે, આ બધામાં બિપાશા ધ્યાન રાખતી હતી કે દીકરી દેવીનો ચહેરો ના દેખાય. ફેન્સ બિપાશા અને કરણની દીકરીનો ચહેરો જાેવા માટે ઉત્સાહિત હતા.

આખરે કપલે ફેન્સની આતુરતાનો અંત લાવતા દીકરીનો ચહેરો બતાવી દીધો છે. સૌથી પહેલા બિપાશા બાસુએ ઈન્સ્ટાગ્રામ સ્ટોરીમાં દીકરીની તસવીર શેર કરી હતી. જેમાં બિપાશા દીકરીને ખોળામાં તેડીને બેઠી છે. મા-દીકરી બંને નાઈટસૂટમાં જાેવા મળી રહ્યા છે.

જાેકે, બિપાશાએ આ ફોટો ભૂલથી શેર કરી દીધો હશે કારણકે બાદમાં તેણે તે ડિલિટ કરી નાખ્યો હતો. તસવીરમાં જાેઈ શકો છો કે, દેવી કેમેરા સામે જાેઈને સ્મિત આપી રહી છે. બાદમાં બિપાશાએ ઈન્સ્ટાગ્રામ પર અલગથી પોસ્ટ મૂકીને દીકરીની બે તસવીરો શેર કરી હતી.

બિપાશા અને કરણે તસવીરો શેર કરતાં લખ્યું, “હેલો વર્લ્ડ…હું દેવી છું.” તસવીરોમાં દેવીએ પિંક રંગનું ફ્રોક પહેરેલું દેખાય છે અને મેચિંગ હેડબેન્ડ પહેરી છે. તસવીરોમાં દેવી ખૂબ જ ક્યૂટ લાગી રહી છે. નાનકડી દેવી કોના જેવી લાગે છે તે કહેવું થોડું મુશ્કેલ છે એવામાં ફેન્સ ચર્ચા કરવા લાગ્યા હતા કે તેણી કોના જેવી લાગે છે.

કેટલાકનું કહેવું છે કે, દેવી તેના પિતા કરણ જેવી લાગે છે તો કેટલાકે તેને બિપાશાની કાર્બન કોપી ગણાવી હતી. કાજલ અગ્રવાલ, શાહરૂખની મેનેજર પૂજા દદલાની, સાગરિકા ઘાટગે સહિત કેટલાય સેલેબ્સે પણ દેવી પર હેત વરસાવ્યું હતું.

ગત મહિને દેવી ચાર મહિનાની થઈ ત્યારે પણ બિપાશાએ તેની સુંદર તસવીર શેર કરી હતી. દેવીને લાઈટ પિંક રંગનું ફ્રોક પહેરાવવામાં આવ્યું હતું. તેના હાથમાં યૂનિકોર્ન કાર્ડ હતું અને તેમાં ‘ચાર મહિના’ તેમ લખેલું હતું. બિપાશા અને કરણની દીકરી દેવીનો જન્મ ૧૨ નવેમ્બર ૨૦૨૨ના રોજ થયો હતો. કરણ અને બિપાશાએ ૨૦૧૬માં લગ્ન કર્યા હતા. લગ્નના છ વર્ષ બાદ તેઓ પેરેન્ટ્‌સ બન્યા છે.

બિપાશા અને કરણની મુલાકાત ૨૦૧૫માં ફિલ્મ ‘અલોન’ના સેટ પર થઈ હતી. એક વર્ષ ડેટિંગ કર્યા બાદ એપ્રિલ ૨૦૧૬માં તેમણે લગ્ન કર્યા હતા.SS1MS