વિજ્ઞાન શિક્ષણને પ્રોત્સાહન આપતો BIS સ્ટાન્ડર્ડ કાર્નિવલ

સાયન્સ સિટીમાં BIS સ્ટાન્ડર્ડ કાર્નિવલ: વિદ્યાર્થીઓ માટે નવું જાણવાનો અવસર

અમદાવાદના સાયન્સ સિટીમાં ૪ જાન્યુઆરી, ૨૦૨૫ ના રોજ BIS સ્ટાન્ડર્ડ કાર્નિવલનો રસપ્રદ કાર્યક્રમ થવા જઈ રહ્યો છે.  આ કાર્યક્રમ બ્યુરો ઓફ ઈન્ડિયન સ્ટાન્ડર્ડ્સ (BIS) દ્વારા આયોજિત કરવામાં આવ્યો છે, જેમાં સાયન્સ સિટી અને ગુજરાત સરકાર પણ સાથ આપી રહ્યા છે.

આ કાર્નિવલનો મુખ્ય ઉદ્દેશ  વિદ્યાર્થીઓને વિજ્ઞાન, ટેક્નોલોજી અને રોજિંદા જીવનમાં ગુણવત્તાના મહત્વ વિશે શીખવાડવાનો છે. ૫૦૦ થી વધુ વિદ્યાર્થીઓ અહીં આવીને નવા નવા પ્રયોગો જોશે, રમતો રમશે, સ્પર્ધાઓમાં ભાગ લેશે અને નિષ્ણાતો સાથે ચર્ચા કરશે.

BIS એ શાળાઓમાં “સ્ટાન્ડર્ડ ક્લબ” પણ બનાવી છે જેથી બાળકો નાનપણથી જ ગુણવત્તાનું મહત્વ સમજી શકે. આ કાર્નિવલ વિદ્યાર્થીઓ માટે ભણતરની સાથે મનોરંજન પણ પૂરું પાડશે.