બ્રિટન શરિયા કાયદાની પશ્ચિમી રાજધાની બની રહ્યું છે

લંડન, બ્રિટનમાં પ્રથમ શરિયા અદાલતની સ્થાપના ૧૯૮૨માં થઈ હતી, જેની સંખ્યા વધીને હવે ૮૫ થઈ ગઈ છે. તેમનો ધાર્મિક પ્રભાવ ખૂબ જ મજબૂત છે. આ અદાલતોની વધતી સંખ્યાને કારણે એવો દાવો કરવામાં આવી રહ્યો છે કે બ્રિટન શરિયા કાયદાની પશ્ચિમી રાજધાની બની રહ્યું છે.

ધ ટાઈમ્સ અનુસાર, નેશનલ સેક્યુલર સોસાયટીએ આ સમાંતર કાયદાકીય વ્યવસ્થા પર ચિંતા વ્યક્ત કરી છે.આ અદાલતો લગ્નથી લઈને પારિવારિક બાબતોમાં દરેક બાબતમાં નિર્ણયો આપે છે.

મીડિયા અહેવાલો અનુસાર, આ અદાલતો મુતાહ એટલે કે પ્લેઝર મેરેજ અથવા આનંદ વિવાહ જેવા મહિલા વિરોધી વિચારોને પણ પ્રોત્સાહન આપે છે.

શરિયા કાયદાને લઈને એક મોબાઈલ એપ પણ છે, જેના દ્વારા ઈંગ્લેન્ડ અને વેલ્સમાં રહેતા મુસ્લિમો તેમના વિસ્તાર માટે ઈસ્લામિક કાયદા બનાવી શકે છે. આના દ્વારા પુરૂષો એ પણ પસંદ કરી શકે છે કે તેમની પાસે કેટલી પત્નીઓ હશે, જે ૧ થી ૪ સુધીની હોઈ શકે છે.

બ્રિટન અને ઉત્તરી આયર્લેન્ડની ઇસ્લામિક શરિયા કાઉન્સિલ પૂર્વ લંડનના લેટનમાં સ્થિત છે. જે નિકાહ, તલાક અને ખુલા જેવી બાબતો પર સેવાઓ પૂરી પાડે છે. બ્રિટનમાં લગભગ ૧ લાખ ઇસ્લામિક લગ્નો થયા છે, જેની સિવિલ ઓથોરિટી દ્વારા નોંધણી કરવામાં આવી નથી.

નેશનલ સેક્યુલર સોસાયટીના ચીફ એક્ઝિક્યુટિવ સ્ટીફન ઇવાન્સે આવી અદાલતો સામે ચેતવણી જારી કરી છે.ઇવાન્સે કહ્યું છે કે આ અદાલતો બધા માટે એક કાયદાના સિદ્ધાંતને નબળી પાડે છે.SS1MS