ચીનમાં કોરોના વિસ્ફોટઃ ૮૦ કરોડ લોકો પર ખતરો

ભારતમાં પણ મહામારીના સંકટની દહેશત વ્યક્ત કરતાં નિષ્ણાંતો

બીજીંગ, ચીનમાં કોરોના મહામારીનો જાેરદાર વિસ્ફોટ જાેવા મળી રહ્યો છે. ભારતમાં જે બન્યું છે તેવી જ હોસ્પિટલોની હાલત દેખાઇ રહી છે. દર્દીઓની સંખ્યા એટલી વધી ગઇ છે કે તેમને જમીન પર સૂવડાવવા પડે છે.

વાયરસ નિષ્ણાતોના જણાવ્યા અનુસાર, આગામી ૯૦ દિવસમાં ચીનની લગભગ ૬૦ ટકા લોકો સંક્રમિત થઇ શકે છે. તેમણે કહયું કે આ તો માત્ર શરૂઆત છે. એક અનુમાન છે કે કોરોના સંક્રમણને કારણે ૨૦ લાખ લોકોના મોત થઇ શકે છે. આ સિવાય ૮૦ કરોડના લોકો સંક્રમિત થઇ શકે છે.

વાયરસ નિષ્ણાત એરિફ ફીગેલના જણાવ્યા અનુસાર, ચીનની રાજધાની બેઇજિંગમાં લાશોના અંતિમ સંસ્કાર સતત ચાલુ છે. શબઘરો ભરેલા છે. મૃતદેહો રાખવા માટે રેફ્રિજરેટરની જરૂર પડે છે. ૨૦૦૦ મૃતદેહોના અંતિમ સંસ્કાર કરવા પડયા છે. તેમણે કહયું કે એવું લાગે છે કે વર્ષ ૨૦૨૦ની સ્થિતિ ફરી આવી રહી છે.

પરંતુ આ વખતે તે યુરોપ સહિત પશ્ચિમી દેશોમાં નહી પરંતુ આ વખતે તે યુરોપ સહિત પશ્ચિમી દેશોમાં નહીં પરંતુ ચીનમાં થઇ રહ્યું છે. કહેવામાં આવી રહ્યું છે કે ચીનમાં કોરોના પ્રતિબંધો હળવા થયા બાદ કોરોનાના કેસોમાં ચિંતાજનક વધારો થયો છે.

હવે ચીનની ૬૦ ટકા વસ્તી તેની પકડમાં આવી શકે છે. ઉત્તર પૂર્વ ચીનની હોસ્પિટલોમાં લાશોનો ઢગલો છે, પરંતુ સરકાર તેને છૂપાવવાનો પ્રયાસ કરી રહી છે. ચીને સોમવારે કોવિડ-૧૯થી બે નવા મૃત્યુની પુષ્ટિ કરી. ચીનના નેશનલ હેલ્થ કમિશને ૩ ડિસેમ્બરથી શ્વસન રોગથી કોઇ મૃત્યુ ન નોંધ્યા પછી સત્તાવાર રીતે બે મૃત્યુની જાણ કરવામાં આવી છે.

તે જ સમયે,અહેવાલો બહાર આવ્યા છે કે સ્મશાનગૃહમાં કોવિડ-પોઝિટિવ મૃતદેહો પહોંચવાની સંખ્યામાં અચાનક વધારો થયો છે. નેશનલ હેલ્થ કમિશને તેના દૈનિક અહેવાલમાં જણાવ્યું હતું કે મુખ્ય ભૂમિ પર પુનઃ પ્રાપ્તિ પછી કુલ ૧,૩૪૪ કોવિડ-૧૯ દર્દીઓને હોસ્પિટલોમાંથી રજા આપવામાં આવી હતી.

સિન્હુઆ ન્યુઝ એજન્સીએ અહેવાલ આપ્યો છે કે રવિવારે કોવિડ-૧૯ થી બે નવા મૃત્યુ નોંધાયા હતા, જેમાં કુલ મૃત્યુઆંક ૫,૨૩૭ થયો હતો. ચાઇનીઝ ન્યુઝ વેબસાઇટએ સપ્તાહના અંતે કોવિડથી ત્રણ મૃત્યુની જાણ કરી , જેમાં બે મીડિયા પત્રકારોનો સમાવેશ થાય છે. જાે કે સરકારે આ વાતની પુષ્ટિ કરી નથી. દેશભરમાં કોવિડ-૧૯ના કેસમાં વધારો થવાને કારણે ચીન પણ તબીબી કર્મચારીઓની અછતનો સામનો કરી રહયું છે.

બેઇજિંગની ઘણી હોસ્પિટલોમાં સ્ટાફની અછતનો સામનો કરવો પડયો છે. કારણકે વધુ ડોકટરો વાયરસથી પ્રભાવિત થયા છે. નાના શહેરો પણ સમાન અવરોધોનો સામનો કરી રહયા છે.

મધ્ય ચીનના હુબેઇ પ્રાંતનાએક કાઉન્ટી-લેવલ શહેરમાં, એક ડોકટરે અનુમાન લગાવ્યું કે તેની હોસ્પિટલના ૨૦ ટકા તબીબી કર્મચારીઓને ચેપ લાગ્યો હતો, અહેવાલમાં જણાવ્યું છે. અને તાવના કિલનિકસ અને કટોકટી વિભાગો સહિત ઉચ્ચ જાેખમની પરિસ્થિતિઓમાં કામ કરતા લોકો ૫૦ ટકા સુધી પહોંચી ગયા છે.

દરમિયાન, ચીનના ટોચના આરોગ્ય અધિકારીઓનું માનવું છે કે ચીન આ શિયાળામાં કોવિડ ચેપના ત્રણ સંભવિત લહેરોમાંથી પ્રથમ અનુભવી રહ્યું છે. જાે કે, એવી ચિંતા છે કે કોવિડ પરીક્ષણમાં તાજેતરના ઘટાડાને કારણે આ સંખ્યાઓ ઓછો અંદાજ છે, બીબીસીએ અહેવાલ આપ્યો છે.

સૌથી મોટી ચિંતા એ છે કે શું ભારત ફરી એકવાર કોરોના વાયરસની ઝપેટમાં આવી શકે છે? આ સવાલનો જવાબ કોવિડ ૧૯ વર્કિંગ ગ્રૂપ નેટજીના પ્રમુખ એનકે અરોરાએ આપ્યો છે. તેમણે કહ્યું, ‘અમે સાંભળી રહ્યા છીએ કે કોવિડ ચેપ ચીનમાં વ્યાપકપણે ફેલાઈ રહ્યો છે, જ્યાં સુધી ભારતની વાત છે,

ભારતમાં મોટી સંખ્યામાં લોકોને કોવિડ સામે રસી આપવામાં આવી છે. રસીઓ ખાસ કરીને પુખ્ત વસ્તી માટે રજૂ કરવામાં આવી છે. એનકે અરોરાએ વધુમાં જણાવ્યું હતું કે ઈન્સાકોગડેટા દર્શાવે છે કે વિશ્વમાં દરેક જગ્યાએ જાેવા મળતા ઓમિક્રોનના લગભગ તમામ પેટા વેરિયન્ટ ભારતમાં જાેવા મળે છે, એવા ઘણા પેટા પ્રકારો નથી જે અહીં પ્રચલિત ન હોય. તેમણે વધુમાં કહ્યું કે ચીનની સ્થિતિ પર ચાંપતી નજર રાખવી જરૂરી છે, પરંતુ પરિસ્થિતિ નિયંત્રણમાં હોવાથી ગભરાવાની જરૂર નથી.