ચીનનું અર્થતંત્ર ગમે તે સમયે ધ્વંસ્ત થઈ શકે છે: બેંકની બહાર ટેન્કો મૂકવી પડી
ચીનની બેંકોનો લોકોને પૈસા આપવા ઈનકાર, ટેન્કો ખડકાઈ ચીનમાં પોલીસ-લોકો વચ્ચે અથડામણ ચાલી રહી છે
નવી દિલ્હી, ચીનનું અર્થતંત્ર એ સ્થિતિએ પહોંચ્યું છે કે, તે કોઈ પણ સમયે ધ્વસ્ત થઈ શકે છે. ચીનની બેન્કિંગ સિસ્ટમની સ્થિતિ એ હદે દયનીય છે કે,
હેનાન પ્રાંતમાં બેંક ઓફ ચાઈનાની શાખાની સુરક્ષા માટે સરકારે રસ્તાઓ પર ટેન્ક મુકવી પડી છે. બેંક દ્વારા લોકોના પૈસા પરત કરવાનો ઈનકાર કરી દેવામાં આવ્યો છે. આ કારણે છેલ્લા અનેક સપ્તાહથી પોલીસ અને લોકો વચ્ચે અથડામણ ચાલી રહી છે.
“Tanks are being put on the streets of #China to protect the banks. Because the Henan branch of bank of China declared that people’s savings in their branch are now investment products and can’t be withdraw” – @MarketingMaverick#Chinabanks #chinaeconomy#ChinaExposed pic.twitter.com/URfGUKYNT0
— Abinay Reddy (@abinay_pesaru) July 21, 2022
ચીનના હેનાન પ્રાંતમાં આવેલી અનેક નાની બેંક જેમની સંયુક્ત સંપત્તિ ૬ અબજ ડોલર (૪૦ અબજ યુઆન) તથા આશરે ૪ લાખ ગ્રાહકો હતા તે બેંકોએ એપ્રિલ મહિનામાં દેવાળુ ફુંક્યુ છે. તેનું મુખ્ય કારણ કુવ્યવસ્થા, ભ્રષ્ટાચાર, કમજાેર નિયમન તથા ખરાબ રિસ્ક મેનેજમેન્ટ છે. ચીનમાં આશરે ૪,૦૦૦ લઘુ અને મધ્યમ બેંકો આવેલી છે અને તેમની સ્થિતિ પણ હેનાન પ્રાંતની બેંકો જેવી થવાની શક્યતા છે.
ચીનમાં ૨૦૦૯ બાદ લોનના આધાર પર ગ્રોથની રણનીતિનો અમલ થઈ રહ્યો છે. આ કારણે આજે ચીનનું બેન્કિંગ સેક્ટર ૨૬૪%ના દેવા-જીડીપીના રેશિયો પર આવી ગયું છે. છેલ્લા ૨ વર્ષોમાં કોવિડના કારણે ચીનના વિકાસનું પૈડું ખૂબ જ મંદ પડી ગયું છે.
