CISFએ તેના સાત કૂતરાઓની નિવૃત્તિ માટે ભવ્ય પાર્ટીનું આયોજન

દેશની મોટી સુરક્ષા એજન્સી સીઆઈએસએફએ તેના સાત કૂતરાઓની નિવૃત્તિ અંગે એક ભવ્ય પાર્ટીનું આયોજન કર્યું હતું. નિવૃત્ત કૂતરાઓને પેસ્ટ્રી ખવડાવીને, તેમને ગોલ્ડ મેડલ અને પ્રશંસાપત્ર આપીને આપવામાં આવ્યા હતા. આ પ્રસંગે મહેમાનો માટે જલપાનની વ્યવસ્થા પણ કરવામાં આવી હતી.

કૂતરાઓની આ નિવૃત્તિ વિધિ સીઆઈએસએફના દિલ્હી મેટ્રો યુનિટ દ્વારા શાસ્ત્રી પાર્ક ખાતે યોજવામાં આવી હતી. આ સાત કૂતરા જુદી જુદી જાતિના છે અને છેલ્લા 10 વર્ષથી એજન્સીને તેમની સેવાઓ આપી રહ્યા છે. તેમનો કાર્યકાળ પૂરો થયા પછી, તેઓને દિલ્હીના જંગપુરામાં એક એનજીઓને સોંપવામાં આવ્યા છે જ્યાં તેમની સાર સંભાળ લેવામાં આવશે.

આ કૂતરાઓની નિવૃત્તિ પર, ત્યાં હાજર સૈનિકો ભાવવિભોર બની ગયા અને સાથે મળીને સેલ્ફી પણ લીધી.  સીઆઈએસએફમાં કૂતરાઓની 60 વિવિધ જાતિઓ છે,  જે મોકડ્રીલ અને સર્ચ ઓપરેશનમાં ભાગ લે છે. હવે આમાંના સાત કૂતરા નિવૃત્ત થયા છે.