૭ દિવસમાં બમણું વળતર મળશે કહીને વૃદ્ધના રૂ.પ.૯૧ લાખ લઈ ગઠીયો રફુચકકર

શેર માર્કેટમાં રોકાણ કરવાનું કહીને મુંબઈના યુવકે ઠગાઈ આચરી

(એજન્સી)અમદાવાદ, દાણીલીમડામાં રહેતા અને બેક મેનેજરની પોસ્ટ પરથી નિવૃત્ત થયેલા વૃદ્ધને સાત દીવસમાં બમણા વળતરની લાલચ ભારે પડી હતી. લાલચમાં આવીને વૃદ્ધે પ.૯૧ લાખ રૂપિયા મુંબઈના અજાણ્યા યુવકને રોકાણ કરવા સારું આપી દીધા અને ગઠીયો રૂપિયા લઈને રફુચકકર થઈ ગયો હતો. વૃદ્ધ અનેક પ્રયાસો કર્યા છતાં ગઠીયાએ રૂપિયા નહી આપતા આ મામલે ગઠીયા વિરૂધ્ધ પોલીસ ફરીયાદ નોધાઈ છે.

બહેરામપુરામાં કમલા નહેરુ સોસાયટીમાં રહેતા અને વર્ષ ર૦ર૧માં બેકમાંથી બ્રાંચ મેનેજરની પોસ્ટ પરથી નિવૃત્ત થયેલા નવીનચંદ્ર ચૌહાણ (૬પ) તેની પત્ની અને પરીવાર સાથે રહે છે. નિવૃત્તિ બાદ ગ્રેજયુઈટી અને પીએફના રૂપિયાનો સારી જગ્યાએ રોકાણ કરવાના વિચાર સાથે નવીનચંદ્રર સ્ટોક માર્કેટના રોકાણ કરવા માટે થઈને અલગ અલગ ડીમેટ એકાઉન્ટ ખોલાવ્યા અને એડવાઈઝરની મદદથી રોકાણ કરતા હતા.

આ દરમયાન તેમની મુલાકાત મુંબઈના રહેવાસી હર્ષીત અગ્રવાલ સાથે થઈ હતી. ત્યારબાદ યુવકે વૃદ્ધને સાત દીવસમાં કરેલા રોકાણમાં બમણો ફાયદો અપાવીશ કહીને વિશ્વાસ અપાવ્યો હતો. વૃદ્ધને વિશ્વાસ આવતા વર્ષ ર૦ર૪ના ઓકટોબરર મહીનામાં ટુકડે-ટુકડે કરીને કુલ ૬.ર૩ લાખ રૂપિયાનું રોકાણ જુદીજુદી સ્કીમોમાં કર્યું હતું. થોડા મહીના સુધી ગઠીયાએ વૃદ્ધને વળતર સ્વરૂપે નાનકડી રકમ ચુકવતો

જેથી વૃદ્ધ ગઠીયાના વિશ્વાસમાં આવી ગયા હતા. બાદમાં ગઠીયાએ પોતાનો રંગ બતાડવાનું ચાલુ કર્યું હતું. અને રૂપિયા આપવાની તારીખે ગોળ-ગોળ વાતો કરીને બહાના આપવા લાગ્યો હતો. વૃદ્ધ કડકાઈપુર્વક ઉઘરાણી કરતા આરોપીએ માત્ર ૩ર હજાર રૂપિયા આપ્યા અને બાકીના પ.૯૧ લાખ આપવામાં બહાના બતાવવા લાગ્યો હતો.

છેલ્લા એક વર્ષથી વૃદ્ધ આરોપી યુવક પાસે પોતાની રૂપિયા માંગતા હતા. પરંતુ હર્ષીત અગ્રવાલ રોજ નવા બહાના વૃદ્ધને આપ્યા કરતો હતો. આખરે વૃદ્ધે આ મામલે પ.૯૧ લાખ રૂપિયાની ઠગાઈ પોતાની સાથે થઈ હોવા અંગેની ફરીયાદ દાણીલીમડા પોલીસમાં નોધાવી તપાસ શરૂ કરવામાં આવી છે.