સિદ્ધાર્થ-કિયારાના સંગીતમાં વરરાજાના સોન્ગ પર કર્યો ડાન્સ

મુંબઈ, જૈસલમેરના સૂર્યગઢ પેલેસમાં આ ક્યુટ કપલે સાત ફેરા લીધા. લગ્નપ્રસંગમાં પરિવારના લોકો અને ખાસ મિત્રો હાજર રહ્યા હતા.શેરશાહની સુપરહિટ જાેડી એટલે કે સિદ્ધાર્થ મલ્હોત્રા અને કિયારા અડવાણી આખરે લગ્નના બંધનમાં બંધાઈ ગયા.

શેરશાહ રીલિઝ થઈ ત્યારથી જ આ બન્નેના રિલેશનશિપની અટકળો ચાલી રહી હતી. પરંતુ તેમણે ક્યારેય ખુલીને એકરાર કે સ્વીકાર નથી કર્યો. ઈન્ટર્વ્યુમાં પણ તેમને ફેરવી તોળીને અનેકવાર પૂછવામાં આવ્યું પણ તેમણે ક્યારેય પોતાના રિલેશનશિપની સત્તાવાર જાહેરાત નથી કરી. પરંતુ સાતમી ફેબ્રુઆરીના રોજ તમામ અટકળોનો અંત આવ્યો. જૈસલમેરના સૂર્યગઢ પેલેસમાં આ ક્યુટ કપલે સાત ફેરા લીધા.

લગ્નપ્રસંગમાં પરિવારના લોકો અને ખાસ મિત્રો હાજર રહ્યા હતા. ડેસ્ટિનેશન વેડિંગ હોય અને લગ્ન સિવાયના ફંક્શન્સ ના હોય એવુ તો બને નહીં.

સિદ્ધાર્થ અને કિયારાએ મહેંદી, પીઠી અને સંગીત જેવા ફંક્શન્સનું પણ આયોજન કર્યુ હતું. પીઠીના સેટ-અપનો તો એક ફોટો પણ વાયરલ થયો હતો, જેમાં પીળા રંગની થીમ પર ડેકોરેશન કરવામાં આવ્યુ હતું. ઉલ્લેખનીય છે કે કરણ જાેહર અને શાહિદ કપૂર લગ્નમાં હાજર રહ્યા હતા. શાહિદ કપૂરની સાથે પત્ની મીરા રાજપૂત પણ જૈસલમેર પહોંચી હતી.

ઉલ્લેખનીય છે કે કોફી વિથ કરણની વર્તમાન સિઝનના એક એપિસોડમાં જ્યારે લગ્ન પર ચર્ચા ચાલી રહી હતી ત્યારે કરણ જાેહર અને શાહિદ કપૂરે કિયારા અડવાણીને કહ્યુ હતું કે, અમે બન્ને તારા લગ્નમાં ડોલા રે ડોલા ગીત પર ડાન્સ કરીશું.

તમને જણાવી દઈએ કે કોફી વિથ કરણની આ સિઝનમાં કિયારા અડવાણી અને શાહિદ કપૂર એકસાથે આવ્યા હતા. કરણ અને શાહિદે પોતાનું વચન પાળ્યું હોવાની જાણકારી સામે આવી છે. પ્રાપ્ત જાણકારી અનુસાર, કરણ અને શાહિદે સંગીત સેરેમનીમાં સિદ્ધાર્થ મલ્હોત્રાના સુપરહિટ ગીત કાલા ચશ્મા પર ડાન્સ કર્યો હતો.

ફિલ્મ બાર બાર દેખોનું આ ગીત હિટ સાબિત થયુ હતું. આ સિવાય એવી પણ જાણકારી પ્રાપ્ત થઈ છે કે કિયારાના ભાઈ મિશાલના પર્ફોમન્સ દરમિયાન સિદ્ધાર્થ મલ્હોત્રા સ્ટેજ પર ગયો હતો અને સાથે પર્ફોર્મ કર્યુ હતું. મિશાલ રૅપર, કમ્પોઝર અને મ્યુઝિક ડાઈરેક્ટર છે.

તેણે કિયારા માટે એક સોન્ગ મેડલી તૈયાર કરી હતી. શેરશાહના ગીતો જ્યારે વાગ્યા ત્યારે કપલના ચહેરા પર આગવી ચમક જાેવા મળી હતી. લગ્ન સમાપ્ત થયા પછી મહેમાનો હવે પાછા ફરી રહ્યા છે. પ્રાપ્ત જાણકારી અનુસાર સિદ્ધાર્થ અને કિયારા સિદ્ધાર્થના ઘરે દિલ્હી પહોંચશે.

અહીં તેઓ પોતાના ખાસ મિત્રો અને પરિવારના બાકીના સભ્યો માટે રિસેપ્શન રાખશે. ત્યારપછી મુંબઈમાં પણ એક રિસેપ્શન રાખવામાં આવશે જેમાં ઈન્ડસ્ટ્રીના મિત્રોને આમંત્રિત કરવામાં આવશે.SS1MS