‘રામ તેરી ગંગા મૈલી’ સ્ટાર મંદાકિનીની દીકરી રબજે ઇનાયા પર ફેન્સની નજર

ફિલ્મી દુનિયા છોડી ચૂકેલી મંદાકિનીની પુત્રી આજકાલ શું કરી રહી છે?-મંદાકિનીની દીકરી સોશિયલ મીડિયા પર વાયરલ

મુંબઈ, રાજ કપૂરની શોધ મંદાકિની પોતાની પહેલી ફિલ્મથી જ સ્ટાર બની ગઈ. અન્ય અભિનેત્રીઓની જેમ, તેને બોલિવૂડમાં બહુ સંઘર્ષ કરવો પડ્યો નહીં. તે ૧૯૮૫માં આવેલી ફિલ્મ રામ તેરી ગંગા મૈલીમાં રાજીવ કપૂર સાથે જોવા મળી હતી. આ ફિલ્મમાં તેની માસૂમિયત અને સુંદરતાથી લોકો પ્રભાવિત થયા હતા.

આ ફિલ્મથી તે રાતોરાત સ્ટાર બની ગઈ. બાદમાં તે ઘણી વધુ ફિલ્મોમાં પણ જોવા મળી. તેમાંથી કેટલીક ફિલ્મો હિટ રહી હતી તો કેટલીક ફ્લોપ. પરંતુ કારકિર્દીના શિખર પર, તેણીએ ફિલ્મોથી દૂરી બનાવી અને લગ્ન કરી લીધા. તેમને બે બાળકો છે.

૨૬ વર્ષ પછી, મંદાકિનીએ વાપસી કરી અને ચર્ચામાં આવી.મંદાકિનીના બાળકો હવે મોટા થઈ ગયા છે. તેમની પુત્રી રબજે ઇનાયા ઠાકુર અદલોઅદલ મંદાકિની જેવી જ દેખાય છે.

જો કે હાલમાં તેનું ફોકસ અભ્યાસ જ હોવાનું અભિનેત્રીએ જણાવ્યું હતું.મંદાકિની થોડા સમય પહેલા મ્યુઝિક વીડિયોમાં તેના પુત્ર સાથે જોવા મળી હતી, જ્યારે તેની પુત્રવધૂ બુશરા પણ ફિલ્મ ઉદ્યોગ સાથે સંકળાયેલી છે. તે એક નિર્માતા છે અને નેટફ્લિક્સ માટે સામગ્રીનું નિર્માણ કરે છે.

તેમની વર્ક પ્રોફાઇલ તેમના ઇન્સ્ટા બાયોમાં આપવામાં આવી છે. આ સાથે, તે તેના કામ સાથે સંબંધિત ઘણી તસવીરો પણ પોસ્ટ કરતી રહે છે. પણ આજે આપણે મંદાકિનીની દીકરી વિશે વાત કરી રહ્યા છીએ. મંદાકિનીની દીકરી હવે મોટી થઈ ગઈ છે અને દેખાવમાં તેની માતા જેવી થઈ ગઈ છે. તેમની પુત્રીનું નામ રબજે ઇનાયા ઠાકુર છે. રાબજેનો ફોટો જોઈને કોઈ પણ કહી શકે છે કે તે તેની માતાની નકલ છે.

રાબજે હાલમાં અભ્યાસ કરી રહી છે અને ઘણીવાર તેની માતા, ભાભી બુશરા અને ભાઈ રાબિલ સાથે ફોટામાં જોવા મળે છે.રામ તેરી ગંગા મૈલી પછી, મંદાકિની ‘ડાન્સ ડાન્સ’, ‘લડાઈ’, ‘કહાં હૈ કાનૂન’, ‘નાગ નાગિન’, ‘પ્યાર કે નામ કુર્બાની’, ‘પ્યાર કરકે દેખો’ જેવી ઘણી સફળ ફિલ્મોમાં જોવા મળી હતી. મંદાકિની છેલ્લે ૧૯૯૬માં આવેલી ફિલ્મ ‘જોર્દાર’માં ગોવિંદા, આદિત્ય પંચોલી અને નીલમ કોઠારી સાથે જોવા મળી હતી.SS1MS