દીપિકા પાદૂકોણ ‘કિંગ’માં સુહાના ખાનની માનો રોલ કરશે

મુંબઈ, શાહરુખ ખાન અને દીપિકા પાદુકોણની જોડી વધુ એક વખત મોટા પડદે જોવા મળશે. એ વાતની ચર્ચા કરતાં પણ મહત્વની અને રસપ્રદ વાત એ છે કે શાહરુખની ‘કિંગ’માં દીપિકા પાદૂકોણ સુહાના ખાનની માતાનો રોલ કરશે.

સિદ્ધાર્થ આનંદની આ એક્શન થ્રિલર ફિલ્મમાં દીપિકા એક મહત્વનો કેમિયો કરતી જોવા મળશે. આ પહેલાં દીપિકા અટલીની ‘જવાન’, રણબીર કપૂર અને આલિયાની ‘બ્રહ્માસ્ત્ર ૧ – શિવા’ તેમજ ‘કલકી’માં માતાનો રોલ કરી ચૂકી છે.

એવા અહેવાલો પણ છે કે, “તેનો રોલ ફિલ્મ માટે ઘણો મહત્વનો છે, તેમના સંઘર્ષથી જ સ્ટોરી શરૂ થાય છે. શાહરુખ અને સિદ્ધાર્થ આનંદ બંને આ ફિલ્મમાં દીપિકાને જ લેવા માગતા હતા કારણ કે આ પાત્ર ઘણું મહત્વનું છે. દીપિકાએ પણ આ લાંબો રોલ ન હોવા છતાં તરત જ આ રોલ સ્વીકારી લીધો હતો.”‘કિંગ’માં શાહરુખ અને દીપિકા છઠ્ઠી વખત એકસાથે કામ કરતાં જોવા મળશે.

‘પઠાણ’ અને ‘જવાન’ પછી તેમની બંનેની સતત સાથે આ ત્રીજી ફિલ્મ છે. તેઓ ૨૦૨૬માં યશરાજ ફિલ્મ્સની ‘પઠાણ ૨’માં પણ એક સાથે કામ કરવાના હોવાની ચર્ચા છે. દીપિકાએ ડેબ્યુ જ શાહરુખ સાથે ‘ઓમ શાંતિ ઓમ’ ફિલ્મથી કર્યું હતું. ત્યાર બાદ તેણે શાહરુખ સાથે ‘હેપ્પી ન્યુ યર’, ‘ચેન્નઈ એક્સ્પ્રેસ’માં પણ શાહરુખ સાથે કામ કર્યું છે.‘કિંગ’માં ‘મૂંજ્યા’ ફેમ અભય વર્મા પણ મહત્વના રોલમાં છે.

આ ફિલ્મનું શૂટ આવનારા મે-જૂન મહિનામાં શરૂ થવાની શક્યતા છે. આ ફિલ્મ આવતા વર્ષે રિલીઝ થશે.દીપિકા આ પહેલાં શાહરુખ અને રણબીરની માતાનો રોલ કરી ચૂકી છે અને હવે તે સુહાનાની માતાનો રોલ કરી રહી છે.

જોકે, આ અહેવાલોને દીપિકાના ફૅન્સ તરફથી મિશ્ર પ્રતિસાદ મળ્યો છે, કેટલાક લોકો માને છે કે દીપિકા માના રોલમાં ટાઇપકાસ્ટ થઈ રહી છે. તો કોઈએ કહ્યું, “સુહાના કી, શાહરુખ કી, ફ્યુચર મેં આર્યન કી, સબકી મમ્મી બનેગી ડિપી.” તો કોઈએ એવું પણ કહ્યું કે એટલાં ખરાબ દિવસો આવી ગયા કે દીપિકા હવે સુહાનાની માનો રોલ કરશે.SS1MS