દીપિકાએ પતિ રણવીરનો હાથ પકડવાનો કર્યો ઈનકાર

મુંબઈ, દીપિકા પાદુકોણ અને રણવીર સિંહ બોલિવુડના ટોચના કપલ પૈકીના એક છે. દીપિકા અને રણવીર સોશિયલ મીડિયા પર અવારનવાર એકબીજા પ્રત્યે પ્રેમ વ્યક્ત કરી ચૂક્યા છે. જાેકે, થોડા સમય પહેલા એવી ચર્ચા શરૂ થઈ હતી કે, રણવીર અને દીપિકાના લગ્નજીવનમાં કશું બરાબર નથી.

આ અહેવાલો વહેતા થયા પછી ‘દીપવીર’ જાહેરમાં સાથે ખુશ જાેવા મળ્યા હતા અને હોલિડે પર પણ ગયા હતા. હવે એક વિડીયો સામે આવ્યો છે જેના લીધે ફરી બંને વચ્ચે કશું ઠીક ના હોવાની ચર્ચા શરૂ થઈ છે.

દીપિકા પાદુકોણ અને રણવીર સિંહ ગુરુવારે એક સ્પોર્ટ્‌સ અવોર્ડ ફંક્શનમાં સામેલ થયા હતા. દીપિકા અને રણવીર સિંહે બ્લેક રંગના આઉટફિટમાં ટિ્‌વનિંગ કર્યું હતું. દીપિકા પાદુકોણે બ્લેક રંગની સાડી પહેરી હતી જ્યારે રણવીર સિંહે બ્લેક સૂટ પહેર્યો હતો. દીપિકાના પિતા અને ભારતના જાણીતા બેડમિન્ટન પ્લેયર પ્રકાશ પાદુકોણ પણ કાર્યક્રમમાં હાજર રહ્યા હતા. રેડ કાર્પેટ પર ત્રણેય સાથે આવ્યા હતા.

પરંતુ દીપિકા અને રણવીર કારમાંથી ઉતર્યા એ વખતનો તેમનો એક વિડીયો સોશિયલ મીડિયા પર ખૂબ વાયરલ થયો છે. જેને લઈને કપલના સંબંધોમાં કંઈક ગરબડ હોવાની ચર્ચા શરૂ થઈ છે. સોશિયલ મીડિયા પર રણવીર-દીપિકાનો વિડીયો વાયરલ થયો છે જેમાં જાેઈ શકાય છે કે, દીપિકા કારમાંથી ઉતરીને તેની સાડીનો પાલવ સરખો કરે છે અને પછી ધીરે રહીને ચાલવા માંડે છે.

એ દરમિયાન રણવીર સિંહ તેનો હાથ પકડવા માટે લંબાવે છે પરંતુ દીપિકા તેનું ધ્યાન ના હોય તેમ ચાલી જાય છે. આ વિડીયોના કારણે સોશિયલ મીડિયા પર ચર્ચા શરૂ થઈ છે કે, કપલના લગ્નજીવનમાં તિરાડ પડી છે. સોશિયલ મીડિયા પર ફેન્સ ચિંતા વ્યક્ત કરી રહ્યા છે.

એક સોશિયલ મીડિયા યૂઝરે લખ્યું, “આશા છે કે, રણવીર અને દીપિકા વચ્ચે બધું બરાબર હોય. ડિવોર્સના વધુ એક સમાચાર નથી સાંભળવા. બીજા એક યૂઝરે લખ્યું, “બિચારો રણવીર, દીપિકાએ તેને કેવો ઈગ્નોર કર્યો. ઈવેન્ટના રેડ કાર્પેટના અન્ય વિડીયો સામે આવ્યા છે જેમાં જાેઈ શકાય છે કે દીપિકાએ આ દરમિયાન તેની સાડીનો પાલવ પકડી રાખ્યો છે.

જ્યારે રણવીર પોતાની પત્નીને કમરેથી પકડીને ચાલતો જાેવા મળે છે. દીપિકા અને રણવીરે પ્રકાશ પાદુકોણ સાથે પણ રેડ કાર્પેટ પર પોઝ આપ્યા હતા. સ્પોર્ટ્‌સ અવોર્ડ શોમાં પ્રકાશ પાદુકોણ દીપિકા અને રણવીરની વચ્ચે ખુરશીમાં બેઠેલા જાેવા મળ્યા હતા.

મુંબઈમાં યોજાયેલી આ સ્પોર્ટ્‌સ ઈવેન્ટમાં અનુષ્કા શર્મા, વિરાટ કોહલી, અભિષેક બચ્ચન, અજય દેવગણ, રિયા ચક્રવર્તી, ભુવન બામ, નેહા ધૂપિયા-અંગદ બેદી, કુશા કપિલા વગેરે જેવા સેલેબ્સ અને સોશિયલ મીડિયા ઈન્ફ્લુએન્સર્સ હાજર રહ્યા હતા.SS1MS