ત્રીજી પત્ની નતાલ્યા ઈલીના સાથે પણ રાહુલ મહાજનના ડિવોર્સ

મુંબઈ, હજી એક દિવસ પહેલા જ એક્ટર ફરદીન ખાન અને પત્ની નતાશા માધવાનીના સેપરેશનના સમાચાર સામે આવ્યા હતા, ત્યાં વધુ એક જાણીતું કપલ ડિવોર્સ લેવા જઈ રહ્યું છે. રિપોર્ટ પ્રમાણે, રાહુલ મહાજન અને કઝાકિસ્તાન મોડલ નતાલ્યા ઈલીનાના લગ્નજીવનમાં ભંગાણ પડ્યું છે.

ચાર વર્ષથી પરિણિત આ કપલે ગત વર્ષે જ ડિવોર્સ ફાઈલ કર્યા હતા. ‘શરૂઆતથી જ બંને વચ્ચે કેટલાક મુદ્દા ચાલી રહ્યા હતા. જાે કે, બંનેએ તેમના લગ્નને શક્ય એટલા વધારે લાંબા ખેંચવાનો પ્રયાસ કર્યો હતો. તેઓ ગત વર્ષે અલગ થયા હતા અને ડિવોર્સ ફાઈલ કર્યા હતા’, તેમ વિશ્વાસપાત્ર સૂત્રોએ પુષ્ટિ કરી હતી. ગત વર્ષે બંનેએ પેપરવર્ક પૂરું કર્યું હતું. જાે કે, ડિવોર્સ મળી ગયા કે હજી તેની પ્રક્રિયા ચાલી રહી છે તે અંગે કોઈ સ્પષ્ટતા નથી. નતાલ્યા રાહુલ મહાજનની ત્રીજી પત્ની હતી.

અગાઉ તેણે શ્વેતા સિંહ સાથે ૨૦૦૬માં લગ્ન કર્યા હતા અને બે વર્ષના લગ્નજીવન બાદ ૨૦૦૮માં ડિવોર્સ લીધા હતા. જે બાદ તેની મુલાકાત પોતાના સ્વયંવર શો ‘રાહુલ દુલ્હનિયા લે જાયેગા’માં ડિમ્પી ગાંગુલી સાથે થઈ હતી. બંનેએ ૨૦૧૦માં લગ્ન કર્યા હતા અને ૨૦૧૫માં અલગ થયા હતા. ત્રીજા ડિવોર્સ બાદ રાહુલની સ્થિતિ સહેજ પણ સારી નથી, તેમ એક તેના ખાસ મિત્રએ જણાવ્યું હતું. તેણે ઉમેર્યું હતું કે ‘આ ડિવોર્સ બાદ કે એકદમથી ભાંગી પડ્યો છે. ગત વર્ષથી તેની સ્થિતિ સારી નથી.

હવે તે નવા પ્રેમની શોધમાં છે. ભૂતકાળના અનુભવને ધ્યાનમાં રાખીને તેણે પોતાના અંગત જીવન વિશે વાત ન કરવાનું પસંદ કર્યું છે. જ્યારે ૪૮ વર્ષના રાહુલ મહાજનનો સંપર્ક કરવામાં આવ્યો તો તેણે રિપોર્ટની ન તો પુષ્ટિ કરી હતી કે ન તો નકાર્યો હતો. તેણે કહ્યું હતું કે ‘હું મારી પર્સનલ લાઈફને પ્રાઈવેટ રાખવા માગું છું.

હું કોઈ પણ બાબત પર કોમેન્ટ કરવાનું પસંદ કરીશ નહીં. હું મારા ખાસ મિત્રો સાથે પણ પર્સનલ લાઈફ વિશે ચર્ચા કરતો નથી’. જાે કે, અંતમાં ઉમેર્યું હતું કે ‘બીજુ બધુ તો ઠીક પણ હાલ તો હું ઠીક છું’. નતાલ્યાએ તો આ વિશે કંઈ કહેવાનો જ ઈનકાર કરી દીધો હતો. રાહુલ મહાજન અને નતાલ્યા છેલ્લે ડાન્સ રિયાલિટી શો ‘સ્માર્ટ જાેડી’માં દેખાયા હતા.

રાહુલ મહાજન હંમેશા પોતાની પર્સનલ લાઈફના કારણે ચર્ચામાં રહ્યો છે. તેણે પહેલા પોતાની વર્ષો જૂની ફ્રેન્ડ શ્વેતા સિંહ સાથે લગ્ન કર્યા હતા, જેને તે ૧૦ વર્ષ કરતાં વધારે સમયથી જાણતો હતો.

બંને બેસ્ટફ્રેન્ડ્‌સ હતા પરંતુ લગ્ન બાદ બંનેના સમીકરણો બદલાઈ ગયા હતા. ડિવોર્સ બાદ શ્વેતાએ એક ઈન્ટરવ્યૂમાં રાહુલના બદલાયેલા વર્તન વિશે વાત કરી હતી, આ સાથે બંનેનો અલગ-અલગ વાતાવરણમાં ઉછેર આ માટે જવાબદાર હોવાની રાહુલની વાતને નકારી કાઢી હતી. તો બીજી પત્ની ડિમ્પી ગાંગુલીએ રાહુલ મહાજન પર ઘરેલુ હિંસાનો આરોપ લગાવ્યો હતો.

તેણે કહ્યું હતું કે, તે નાની વાતમાં તેના પર ગુસ્સે થઈ જતો હતો અને મારપીટ કરતો હતો. જેના કારણે તેના શરીર પર ઉઝરડા પણ પડી ગયા હતા. આ જ ઈજા સાથે તેણે ઘર છોડ્યું હતું અને ફરી તેની પાસે ન જવાનો ર્નિણય લીધો હતો.SS1MS