શિયાળાનાં શરદી તથા ઉધરસને હળવાશથી ન લો : WHO

નવી દિલ્હી, કોરોના વાયરસના નવા સબ-વેરિયન્ટ જેએન.૧એ ફરી એકવાર બધાને ચોંકાવી દીધા છે. દેશના તમામ રાજ્યોને એલર્ટ રહેવા માટે કહેવામાં આવ્યું છે અને કોરોનાના કેસોને ગંભીરતાથી લેવા માટે પણ કહેવામાં આવ્યું છે.

કોરોનાનો આ નવો સબ-વેરિયન્ટ વિશ્વના ઘણા દેશોમાં ઝડપથી ફેલાઈ રહ્યું છે. ભારતમાં પણ એસ સબ વેરિઅન્ટનો એક કેસ કેરળમાંથી આવ્યો છે. આવી સ્થિતિમાં ગંભીરતા દાખવતા સરકારો પણ અલગ-અલગ રાજ્યોમાં એડવાઈઝરી જારી કરી રહી છે.

જાે કે, ડબલ્યુએચઓએ આ નવા સબ-વેરિઅન્ટને ખૂબ જાેખમી ગણાવ્યો નથી. આ સંદર્ભમાં કર્ણાટકમાં સિદ્ધારમૈયાની સરકારે પણ લોકોને સાવચેત રહેવાની અપીલ કરી છે. કર્ણાટકના આરોગ્ય અને પરિવાર કલ્યાણ પ્રધાન દિનેશ ગુંડુ રાવે વરિષ્ઠ નાગરિકો અને સહ-રોગથી પીડિત લોકોને માસ્ક પહેરવાની સલાહ આપી હતી.

તેમની ટિપ્પણી કેરળ અને અન્ય રાજ્યોમાં કોવિડ -૧૯ કેસોમાં વધારા પછી આવી છે. કર્ણાટકના કોડાગુમાં પત્રકારો સાથે વાત કરતા આરોગ્ય મંત્રીએ કહ્યું કે ગભરાવાની જરૂર નથી. તેમણે કહ્યું હતું કે, ‘અમે કોરોના વાયરસને લઈને એક મીટિંગ કરી છે, જ્યાં અમે ચર્ચા કરી હતી કે શું પગલાં લેવા જાેઈએ? અમે ટૂંક સમયમાં એડવાઈઝરી જારી કરીશું.

જે લોકો ૬૦ વર્ષથી વધુ ઉંમરના છે અને તેમને હૃદય સંબંધિત રોગો સહિત અન્ય ગંભીર બીમારીઓ છે, તેઓએ માસ્ક પહેરવું જાેઈએ. તે જ સમયે કેરળમાં કોરોના વાયરસના કેસ ઝડપથી વધી રહ્યા છે. કેન્દ્રીય આરોગ્ય મંત્રાલયના ડેટા અનુસાર, કેરળમાં છેલ્લા ૨૪ કલાકમાં ૧૧૫ નવા કોવિડ -૧૯ કેસ નોંધાયા છે, જે રાજ્યમાં વાયરસના કુલ સક્રિય કેસોને ૧,૭૪૯ પર લઈ ગયા છે.

જેએન.૧, કોરોનાનું નવું પેટા-વેરિયન્ટ, અગાઉ તેના પિતૃ વંશના બીએ.ર.૮૬ના ભાગ રૂપે એક પ્રકાર તરીકે વર્ગીકૃત કરવામાં આવ્યો હતો. પરંતુ હવે શિયાળાની ઋતુ શરૂ થતાં તેના પ્રસારનું જાેખમ ઝડપથી વધી ગયું છે. આ કારણે, તેને અલગથી વર્ગીકૃત કરવામાં આવ્યો છે.

ડબલ્યુએચઓએ કહ્યું કે વર્તમાન રસી આમાં અસરકારક છે અને દર્દીઓને તેના જાેખમોથી બચાવે છે. ડબલ્યુએચઓ કેસ પર સતત નજર રાખી રહ્યું છે અને એડવાઈઝરી પણ જારી કરી છે. તે કહે છે કે લોકોએ ભીડવાળા, બંધ અથવા ખરાબ હવાવાળા વિસ્તારોમાં માસ્ક પહેરવા જાેઈએ.

ઉપરાંત, શક્ય હોય ત્યાં સુધી અન્ય લોકોથી સુરક્ષિત અંતર જાળવો. ડબલ્યુએચઓએ એમ પણ કહ્યું કે આનાથી લોકોને વધારે ખતરો નથી. મંત્રાલયની વેબસાઇટ અનુસાર, મંગળવારે સવારે ૮ વાગ્યા સુધી દેશભરમાંથી નોંધાયેલા ૧૪૨ કેસમાંથી ૧૧૫ કેસ કેરળના હતા.

રાજ્યમાં છેલ્લા ૨૪ કલાકમાં વાયરસને કારણે કોઈ મૃત્યુ નોંધાયું નથી. સંક્રમણ મળ્યા બાદ છેલ્લા ૨૪ કલાકમાં સ્વસ્થ થયેલા લોકોની સંખ્યા ૧૧૨ હતી. તમને જણાવી દઈએ કે નિષ્ણાતોનું કહેવું છે કે કોરોના વાયરસના નવા સબ-વેરિઅન્ટના લક્ષણો ઈન્ફલ્યુએન્ઝા જેવા છે.

આવી સ્થિતિમાં શરદી અને ઉધરસને સામાન્ય સમસ્યા ગણવી ખતરનાક સાબિત થઈ શકે છે. તમને જણાવી દઈએ કે વિશ્વમાં કોરોના વાયરસના નવા સબ-વેરિઅન્ટનો પ્રથમ કેસ લક્ઝમબર્ગમાં નોંધાયો હતો. આ પ્રકાર ચીનમાં ઝડપથી ફેલાઈ રહ્યો છે. આ પ્રકાર શરીરમાં હાજર રોગપ્રતિકારક તંત્રને છેતરે છે. SS1SS