ભીષણ બરફવર્ષાથી બ્રિટન, જર્મનીમાં પણ જનજીવન ખોરવાયું

લંડન, બ્રિટન અને જર્મની સહિત યુરોપના દેશોમાં પણ રવિવારે ભારે બરફવર્ષા અને વરસાદને કારણે જનજીવન ખોરવાયું હતું. ઘણા મોટા એરપોર્ટને ફ્લાઇટ્‌સ સ્થગિત કરવાની ફરજ પડી હતી. યુકેમાં હવામાન પ્રતિકૂળ રહેવાની સાથે એવી આશંકા છે કે ઘણા ગ્રામીણ સમુદાયો, ખાસ કરીને ઈંગ્લેન્ડના ઉત્તરમાં વિસ્તારોનો સંપર્ક કપાઈ શકે છે. આ વિસ્તારોમાં ૧૫ ઇંચ સુધી બરફ છવાઈ જવાની ધારણા છે.

ભારે બરફવર્ષાના કારણે સેન્ટ્રલ ઈંગ્લેન્ડમાં બ‹મગહામ, પશ્ચિમમાં બ્રિસ્ટોલ અને વેલ્સમાં કાર્ડિફ સહિતના શહેરોમાં વીજળી ગૂલ થઈ હતી. દેશમાં વીજળી નેટવર્કનું સંચાલન કરતાં નેશનલ ગ્રીડે જણાવ્યું હતું કે સમગ્ર દેશમાં આઉટેજ પછી તે પાવર પુનઃસ્થાપિત કરવા માટે કામ કરી રહ્યું છે.

ઘણી સ્પોર્ટ ઇવેન્ટ મોકૂફ રખાઈ હતી. ક્રિસમસ અને નવા વર્ષની રજાઓમાં પછી ઘણા લોકો ઘરે પરત ફરી રહ્યાં છે ત્યારે રોડ નેટવર્કને પણ ભારે અસર થઈ હતી.સ્થાનિક સત્તાવાળાઓ દ્વારા ઘણા રસ્તાઓ બંધ કરવામાં આવ્યા હતાં. ફસાયેલા વાહનો અને અકસ્માતને કારણે પણ ઘણા રોડ બંધ કરાયા હતા. ઘણી રેલવે સેવાઓ રદ કરાઈ હતી. સપ્તાહ દરમિયાન રેલવે વ્યવહાર ખોરવાઈ જવાની વો‹નગ અપાઈ હતી.

ભારે બરફવર્ષાથી જર્મનીમાં પણ જનજીવન પ્રભાવિત થયું હતું. સત્તાવાળાઓએ ડ્રાઇવરો અને રાહદારીઓ માટે બ્લેક આઇસ વો‹નગ જારી કરી છે, લોકોને જ્યાં શક્ય હોય ત્યાં ઘરે રહેવાની સલાહ આપી છે. ળેન્કફર્ટ એરપોર્ટે રવિવારે ૧૨૦ ફ્લાઇટ રદ કરી હતી.

મ્યુનિક એરપોર્ટ પર માત્ર એક રનવે ખુલ્લો હતો. બેડન-વુર્ટેમબર્ગમાં હેમિંગેન શહેર નજીક એક બસ રોડ પરથી લપસી જતાં આઠ લોકો ઘાયલ થયા હતાં.ળેન્કફર્ટ વિસ્તારમાં લાંબા-અંતરના ટ્રેન અનિયમિત બની હતી.SS1MS