લગ્ન પરથી વિશ્વાસ ઉઠી ગયો હતો: રેણુકા શહાણે

મુંબઈ, રેણુકા શહાણે બોલિવૂડ અને ટીવીના જાણીતા એક્ટ્રેસ છે. તેઓ દૂરદર્શન પર આવતા શૉ સુરભિથી ઘરે ઘરે જાણીતા થયા હતા. તેમણે સૌપ્રથમ મરાઠી લેખક વિજય કેંકરે સાથે લગ્ન કર્યા હતા અને તેઓ સાથેના છૂટાછેડા બાદ તેમણે જાણીતા એક્ટર આશુતોષ રાણા સાથે લગ્ન કર્યા.

તેઓના બે દીકરા છે કે જેમનું નામ શૌર્યમાન અને સત્યેન્દ્ર છે. આ ઈન્ટરવ્યુમાં રેણુકા શહાણેએ પોતાના બીજા લગ્નની વાત પણ કરી છે. તેમણે જણાવ્યું કે અગાઉ તેમણે મરાઠી થિયેટર લેખક વિજય કેંકરે સાથે લગ્ન કર્યા હતા. જે બાદ તેમના જીવનમાં એક્ટર આશુતોષ રાણા આવ્યા. ‘મને લાગે છે કે મારા પ્રથમ લગ્નથી મને ઘણું મળ્યું. ઘણાં લાંબા સમય પછી હું એક્ટર આશુતોષ રાણા સાથે પ્રેમમાં પડી.

જ્યારે મારા લગ્ન થયાં ત્યારે હું ૩૪ કે ૩૫ વર્ષની હતી, ભારતમાં લગ્ન માટે આ ઉંમર ઘણી વધારે છે. રેણુકા અને આશુતોષની પહેલી મુલાકાતની સ્ટોરી પણ ખૂબ જ મજેદાર છે. તેણે જણાવ્યું હતું કે,’હંસલ મહેતાની ફિલ્મ જયતેનો પ્રિવ્યૂ હતો. હું તો રેણુકાજીનો પ્રશંસક હતો.

તેની ફિલ્મ ‘હમ આપકે હૈ કૌન’ પણ આવી ગઈ હતી તો મને તેમના વિશે ખ્યાલ હતો. જ્યારે તેમની સાથે મુલાકાત થઈ તો અડધો કલાક અમે વાતો જ કરતા રહ્યા અને અમારા વિચાર પણ મળતા હતાં. અમે જ્યારે બહાર નીકળ્યા તો તે દિવસે રવિવાર હતો.

મેં પૂછ્યું કે તમે કયાં રહો છો? તો તેમણે કહ્યું કે હું દાદર રહું છું. તો મેં કહ્યું કે, તમે કેવી રીતે જશો? તમારી પાસે કાર તો નથી. તો તેમણે કહ્યું કે આજે રવિવાર છે તો મેં સ્ટાફને રજા આપી છે.

વાતવાતમાં આશુતોષે એ પણ જણાવ્યું કે, તેણે રેણુકાને એવું કહ્યું કે, શું હું તમને છોડી દઉં? તો રેણુકાએ તેમને પૂછ્યું કે તમે ક્યાં રહો છો? જેના પર આશુતોષનો જવાબ હતો કે હું ચેમ્બુર રહું છું. જેના પર રેણુકાએ તરત જ જવાબ આપ્યો કે, હું મુંબઈમાં જ મોટી થઈ છું અને મેં આજ સુધી એવો કોઈ રસ્તો નથી જાેયો જે જૂહુથી દાદર થઈને ચેમ્બુર જતો હોય. પછી રેણુકાએ આશુતોષને કહ્યું કે તમે પરેશાન ન થાઓ.

મારી આદત છે હું ઘરે પહોંચી જઈશ. આશુતોષે કહ્યું કે, રેણુકાનો ફોન નંબર મેળવવા માટે તેને ખૂબ જ સંઘર્ષ કરવો પડ્યો હતો. તેણે ડિરેક્ટર રવિ રાય પાસેથી તેમનો નંબર લીધો. આશુતોષે જણાવ્યું કે રેણુકા કોઈ અજાણ્યા નંબર પરથી ફોન નહોતી ઉઠાવતી અને રાતે દસ વાગ્યા પછી પણ કોઈનો ફોન રીસિવ કરતી નહોતી. જેથી એક્ટરે તેને દશેરાના અભિનંદન પાઠવવા માટે એક મેસેજ મોકલ્યો હતો.

જેનો જવાબ પણ આવ્યો હતો. અને આ રીતે તેમણે નંબર એક્સચેન્જ કર્યા હતાં. પછી ધીરે ધીરે મુલાકાત વધતી ગઈ અને તેમનો પ્રેમ લગ્ન સુધી પહોંચ્યો હતો.SS1MS