બજારમાં નકલી ચાઈનીઝ લસણ વેચાવા માડ્યું
નવી દિલ્હી, આજકાલ દેશ દુનિયામાં નકલી સમાન વેચાવાનું ચલણ મોટાપાયે વધી ગયું છે. નકલી સામાન બનાવવાની કળામાં મહારત ધરાવનાર ચીન હવે નકલી લસણ પણ બનાવી રહ્યું છે? હાલમાં જ આ સમગ્ર મામલાને લઈને એક વીડિયો પણ વાયરલ થયો હતો, જેમાં ચીનના ‘નકલી લસણ’નો પર્દાફાશ થયો હતો. બજારમાં વેચાતું આ નકલી લસણ ભારતમાં ઘણા ઘરોમાં ખવાય છે.
આ દેખાવમાં ખૂબ જ સફેદ અને સુંદર હોય છે. પરંતુ આ સ્વાસ્થ્ય માટે ઘાતક સાબિત થઈ શકે છે. તેને ગટરના પાણીથી સિંચાઈ કરવામાં આવે છે. જેથી તેને સીસા અને અન્ય ધાતુઓ દ્વારા ઝડપથી તૈયાર કરી શકાય.
તેની સફેદી વધારવા માટે તેને ક્લોરિનથી બ્લીચ કરવામાં આવે છે. યુ.એસ.એ ચીન પર લસણને બજારમાં કિંમત કરતાં ઓછી કિંમતે ડમ્પ કરવાનો આરોપ મૂક્યો છે. ટ્રમ્પ વહીવટીતંત્ર દરમિયાન ૨૦૧૯માં આ ટેરિફમાં વધારો કરવામાં આવ્યો હતો.
૧૯૯૦ ના દાયકાના મધ્યભાગથી, તેણે અમેરિકન ઉત્પાદકોને બજારની બહારના ભાવને રોકવા માટે ચીની આયાત પર ભારે ટેરિફ અથવા કર લાદ્યા છે. આ વાત એટલી ચર્ચાસ્પદ બની ગઈ છે કે એક અમેરિકન સેનેટરે ચીનમાંથી લસણની આયાતની રાષ્ટ્રીય સુરક્ષા પર અસર અંગે સરકારી તપાસની માંગણી કરી છે.
અસ્વચ્છ ઉત્પાદન પદ્ધતિઓ ટાંકીને રિપÂબ્લકન સેનેટર રિક સ્કોટે વાણિજ્ય સચિવને એક પત્ર લખીને દાવો કર્યો છે કે ચીની લસણ અસુરક્ષિત છે, ચીન તાજા અને ઠંડા લસણનો વિશ્વનો સૌથી મોટો નિકાસકાર છે અને યુએસ મુખ્ય ઉપભોક્તા છે.
પરંતુ આ વેપાર ઘણા વર્ષોથી વિવાદાસ્પદ છે. જો તમે ચીનથી આવેલું નકલી લસણ ઓળખવા માંગતા હોવ તો પદ્ધતિ ખૂબ જ સરળ છે. બજારમાં વેચાતું નકલી લસણ સફેદ હોય છે. આમાં કોઈ ડાઘ કે ફોલ્લીઓ દેખાશે નહીં. તેમને ઓળખવા માટે, લસણને ફેરવો. જો તેના નીચેના ભાગમાં ડાઘ દેખાય તો શક્યતા વધારે છે કે તે અસલી છે.
જો તે પાછળના ભાગમાં સંપૂર્ણપણે સફેદ હોય, તો તેનો અર્થ એ છે કે તે ચીનનું ઝેરી નકલી લસણ છે. આ પ્રકારનું લસણ ખરીદવાનું ટાળવું જોઈએ. સેનેટર સ્કોટ આટલેથી અટક્યાં નહોતા તેમણે તો લસણના વિવિધ પ્રકારો વિશે પણ વિગતવાર સમજાવ્યું કે જેના પર ધ્યાન આપવું જોઈએ.
ક્વબેકમાં મેકગિલ યુનિવર્સિટી ખાતે સાયન્સ એન્ડ સોસાયટીની ઓફિસ, જે વૈજ્ઞાનિક મુદ્દાઓને લોકપ્રિય બનાવવા અને સમજાવવા પ્રયાસ કરે છે, તેમણે કહ્યું હતું કે ચીનમાં લસણ ઉગાડવા માટે ખાતર તરીકે ગંદા પાણીનો ઉપયોગ કરવામાં આવે છે તેવા “કોઈ પુરાવા” નથી. SS1SS
