કોંગ્રેસના વરિષ્ઠ નેતા દિગ્વિજય સિંહ સામે FIR દાખલ

(એજન્સી)ભોપાલ, મધ્યપ્રદેશના પૂર્વ મુખ્યમંત્રી અને કોંગ્રેસના વરિષ્ઠ નેતા દિગ્વિજય સિંહ દ્વારા કરવામાં આવેલા પોસ્ટ પર હંગામો થયા બાદ હવે તેમની વિરુદ્ધ દમોહ કોતવાલીમાં વિવિધ કલમો હેઠળ કેસ નોંધવામાં આવ્યો છે. ગઈકાલે રાત્રે બજરંગ દળના સભ્યો કોતવાલી પહોંચ્યા અને ફરિયાદ અરજી આપી,

ત્યારબાદ પોલીસે દિગ્વિજય સિંહ વિરુદ્ધ કલમ ૧૫૩-એ, ૧૭૭, ૫૦૫ (૨) હેઠળ કેસ નોંધ્યો હતો. દમોહના સીએસપી અભિષેક તિવારીએ જણાવ્યું કે વિશ્વ હિન્દુ પરિષદના જિલ્લા સંયોજક શંભુ વિશ્વકર્માએ સોશિયલ મીડિયા સાઇટ એક્સ(ટિ્‌વટર) પર દિગ્વિજય સિંહ દ્વારા કરવામાં આવેલી પોસ્ટ અંગે ફરિયાદ નોંધાવ્યા બાદ કેસ નોંધવામાં આવ્યો છે.

આ મામલાની તપાસ કરવામાં આવી હતી જે તથ્યહીન હોવાનું બહાર આવ્યું હતું, ત્યારબાદ આ કાર્યવાહી કરવામાં આવી છે. બીજી તરફ પૂર્વ મુખ્યમંત્રીની ધરપકડ અંગે તેમણે જણાવ્યું કે આ સોશિયલ મીડિયા એકાઉન્ટ કોના દ્વારા ચલાવવામાં આવી રહ્યું હતું અને તેનો સ્ત્રોત શું હતો તે બાબતની તપાસ કરવામાં આવી રહી છે.