પાંચ બાળકોએ મળીને એક મરેલો સાંપ ખાધો

જમુઇ, કહેવાય છે કે બાળકો ખૂબ જ નિર્દોષ હોય છે. એટલા માટે તેઓ ઘણીવાર કંઈપણ વિચાર્યા વિના વિચિત્ર વસ્તુઓ કરી નાખે છે. આવી પરિસ્થિતિઓમાં ક્યારેક તેમના જીવ પણ જોખમમાં મુકાઈ જાય છે. આવું જ કંઈક જમુઈ જિલ્લામાં જોવા મળ્યું હતું.

એક ગામમાં કેટલાક બાળકો રમતા હતા. આ દરમિયાન તેણે એક મૃત સાપ જોયો હતો. એક બાળકે રમતા રમતા સાપને ઉપાડી લીધો, જ્યારે બીજા બાળકે કહ્યું કે, આ સાપને ખાવાથી તેનું શરીર મજબૂત બનશે. આ બાદ, બાળકોએ લાકડું સળગાવ્યું, સાપને રાંધ્યો, તેના ટુકડા કર્યા અને એકસાથે બેસી તે ખાઈ ગયા હતા.

આ પછી બાળકોની હાલત જાણીને તમે પણ ચોંકી જશો. આ મામલો જમુઈ જિલ્લાના ખૈરા પોલીસ સ્ટેશન વિસ્તારના ખાધુઈ બરિયારપુર ગામનો છે.

જ્યાં ૫ વર્ષના બે બાળકો રમતા હતા. પછી તેણે એક મૃત સાપ જોયો હતો. બાળકોની દાદી જહાના ખાતૂને જણાવ્યું કે, ગામની એક બાળકે તેના પૌત્રને લાલચ આપીને સાપનો રાંધેલ ટુકડો ખવડાવ્યો હતો. જહાના ખાતૂને જણાવ્યું કે, બાળકે તેના પૌત્રને કહ્યું કે, આ ખાવાથી શરીરમાં તાકાત આવશે અને તે ફિટ થઈ જશે. તેણે એમ પણ કહ્યું કે, જો તે સાપનો ટુકડો ખાશે તો તેને પૈસા મળશે.

આ પછી તેણે સાપનો ટુકડો દાદીના પૌત્રને ખવડાવ્યો હતો. આ બાદ, પરિવારજનો પણ સાપનો ટુકડો લઈને હોસ્પિટલ પહોંચ્યા હતા. સાપનો ટુકડો ખાવાની માહિતી મળતા પરિવારજનોમાં અફરા-તફરી મચી ગઈ હતી. બાળકની હાલત પણ ખરાબ હતી.

આ પછી પરિવારના સભ્યો તેને સારવાર માટે સદર હોસ્પિટલમાં લઈ આવ્યા, જ્યાં ડોક્ટરની ટીમે બાળકની સારવાર કરી હતી. હાલ બાળકીની હાલત જોખમની બહાર હોવાનું કહેવાય છે. બાળકો સાપ ખાતા હોવાનો આ કિસ્સો આશ્ચર્યજનક છે, જે જિલ્લામાં ચર્ચાનો વિષય બન્યો છે.

ઉલ્લેખનીય છે કે, ગ્રામીણ વિસ્તારોમાં અવારનવાર લોકોના ઘરમાંથી સાપ નીકળતા જોવા મળે છે. લોકો તેને મારી નાખે છે અને કંઈપણ વિચાર્યા વિના અહીં-ત્યાં ફેંકી દે છે.SS1MS