You Tube પરથી હટાવવામાં આવશે લિંગ પરીક્ષણના ચાર હજાર વીડિયો

નવી દિલ્હી, કેન્દ્રીય આરોગ્ય અને પરિવાર કલ્યાણ મંત્રાલયે મંગળવારે પ્રિ-નેટલ લિંગ પરીક્ષણ પર વિડિઓ અપલોડ કરનારા You Tube યુઝર્સને નોટિસ મોકલી છે.

મંત્રાલયે તેમને ૩૬ કલાકની અંદર આવા વીડિયો હટાવવાનો આદેશ આપ્યો છે. મંત્રાલયે આવા લગભગ ૪,૦૦૦ વીડિયોની યાદી બનાવી છે, જે વિવિધ પ્રેગ્નન્સી રિપોર્ટ્‌સ જાેઈને ભ્રૂણનું લિંગ કેવી રીતે નક્કી કરવું તેની માહિતી આપે છે.

પ્રી-કન્સેપ્શન એન્ડ પ્રિ-નેટલ ડાયગ્નોસ્ટિક ટેકનિક એક્ટ, ૧૯૯૪ એ ભારતમાં પ્રિ-નેટલ લિંગ પરીક્ષણ પર પ્રતિબંધ મૂક્યો છે અને ડાયગ્નોસ્ટિક સેન્ટરો તેના હેઠળ સખત રીતે નિયંત્રિત છે. આ કાયદો સ્ત્રી ભ્રૂણ હત્યા રોકવા અને ભારતમાં ઘટી રહેલા લિંગ ગુણોત્તરને રોકવા માટે બનાવવામાં આવ્યો હતો.

અન્ડર સેક્રેટરી પીવી મોહનદાસે કહ્યું કે મંત્રાલય વાંધાજનક સામગ્રી માટે સોશિયલ મીડિયા પર નિયમિતપણે નજર રાખે છે. તેણે કહ્યું, જ્યારે આ વીડિયો અમારા ધ્યાન પર લાવવામાં આવ્યા હતા, ત્યારે અમે સૌથી પહેલા વાંધાજનક ચેનલોને ઓળખી અને સૂચિબદ્ધ કરી હતી. મંગળવારે, અમે તેમને કન્ટેન્ટને દૂર કરવા માટે નોટિસ મોકલી હતી અને તેમને એ પણ જાણ કરી હતી કે તે સજાપાત્ર ગુનો છે. મોહનદાસે કહ્યું કે ગૂગલને તેની વેબસાઈટ પરથી કન્ટેન્ટ હટાવવા માટે પણ વિનંતી કરવામાં આવી હતી.

તેમણે કહ્યું, કોઈપણ વ્યક્તિ જે પીસીપીએનડીટી એક્ટનું ઉલ્લંઘન કરતી સામગ્રી સાથે આવે છે તે તેના રાજ્યના નોડલ અધિકારીઓને અથવા મંત્રાલયને ઈમેલ એડ્રેસ [email protected] પર તેની જાણ કરી શકે છે.

વાસ્તવમાં દિલ્હી સ્થિત રેડિયોલોજિસ્ટ ડૉ. અનુજ અગ્રવાલે સૌપ્રથમ ટિ્‌વટર પર આવા લિંગ-નિર્ધારણના વીડિયો વિશે લખ્યું હતું. અગ્રવાલ રેડિયોલોજી પર વીડિયોની શોધમાં યુટ્યુબ પર સ્ક્રોલ કરી રહ્યા હતા અને આવો જ એક વાંધાજનક વીડિયો સામે આવ્યો. જે ચેનલ પર વિડિયો પોસ્ટ કરવામાં આવ્યો હતો તે પ્રેગ્નન્સી, પ્રેગ્નન્સી ટીપ્સ અને પ્રિનેટલ લિંગ પરીક્ષણની ટેકનિકોથી ભરેલી હતી.

ડૉ. અગ્રવાલે કહ્યું, “શરૂઆતમાં મને લાગ્યું કે આ અન્ય દેશોના યુટ્યુબર્સ દ્વારા અપલોડ કરાયેલા વીડિયો છે, પરંતુ ચોંકાવનારી વાત એ છે કે આ ભારતના છે.

મને એ જાેઈને આશ્ચર્ય થયું કે મેં જાેયેલા વીડિયોને ૦.૭ મિલિયન વ્યૂઝ મળ્યા છે. મુદ્દા પર કડક દેખરેખ થવી જાેઈએ. આવા તમામ વીડિયો પર પ્રતિબંધ મૂકવો જાેઈએ. ફેડરેશન ઑફ ઑબ્સ્ટેટ્રિક ઍન્ડ ગાયનેકોલોજિકલ સોસાયટી ઑફ ઇન્ડિયાના પ્રમુખ ડૉ. હૃષિકેશ પાઈએ એચટીને કહ્યુ હતું કે આપણા દેશનો કાયદો લિંગ- પરીક્ષણની સેવાઓની જાહેરાત પર પણ પ્રતિબંધ મૂકે છે.

મને એ જાણીને આશ્ચર્ય થયું કે આ માહિતી સોશિયલ મીડિયા પર મુક્તપણે શેર કરવામાં આવી રહી છે. પાઈએ જણાવ્યું કે છેલ્લા ૧૦ વર્ષોમાં PCPNDT એક્ટના કારણે ભારતનો સેક્સ રેશિયો સુધર્યો છે. વધુમાં તેમણે કહ્યું હતું કે તમામ અલ્ટ્રાસાઉન્ડ મશીનો નોંધાયેલા હોવા જાેઈએ અને દરેક સ્કેનનો રેકોર્ડ રાખવામાં ડૉક્ટરોએ ખૂબ કાળજી રાખવી જાેઈએ.

રેકોર્ડમાં કોઈપણ વિસંગતતા તબીબી વ્યાવસાયિકને ગંભીર જાેખમમાં મૂકી શકે છે. સોશિયલ મીડિયા પર પણ તેનો ઉપયોગ કરવામાં આવે છે અને આવા વીડિયોને તાત્કાલિક જાહેર પ્લેટફોર્મ પરથી હટાવી દેવા જાેઈએ.SS1MS