ગુજરાતમાં આગામી દિવસોમાં વાદળિયું વાતાવરણ રહેશે-વરસાદ પડવાની આગાહી

(એજન્સી)અમદાવાદ, હવામાન આગાહીકાર પરેશ ગોસ્વામીએ ગુજરાતના હવામાનમાં મોટો ફેરફાર થશે તેવી આગાહી કરી છે. ૩ થી ૧૦ મે, ૨૦૨૫ની વચ્ચે રાજ્યના ઘણા વિસ્તારોમાં પવન ફૂંકાઈ શકે છે.

કેટલાક વિસ્તારોમાં કરા પડવાની પણ શક્્યતા છે. હવામાન નિષ્ણાતે વધુમાં જણાવ્યું હતું કે દક્ષિણ પાકિસ્તાન ઉપર એક સિસ્ટમ રચાઈ રહી છે. જેના કારણે ૩ થી ૯ મે દરમિયાન વાવાઝોડા આવશે અને તેની અસર સૌરાષ્ટ્ર, ઉત્તર ગુજરાત અને પૂર્વી કચ્છ પર પડશે. તોફાન અને વાવાઝોડાના પવનો પણ જોવા મળી શકે છે.

ખેડૂતોએ પણ સાવધ રહેવું જોઈએ જેથી પાકેલા પાકને બગડતા બચાવી શકાય. હવામાન વિભાગે રાજ્યમાં તીવ્ર ગરમીની આગાહી કરી છે. રાજ્ય હવામાન વિભાગના ડિરેક્ટર એકે દાસે જણાવ્યું હતું કે આજે અમદાવાદમાં ગરમીનું મોજું રહેવાની શક્્યતા છે.

કચ્છ, મોરબી, રાજકોટ, બોટાદ, સુરેન્દ્રનગર, અમદાવાદમાં ગરમીનું મોજું રહેવાની શક્્યતા છે. પ્રિ-મોન્સૂન પ્રવૃત્તિને કારણે ભીષણ ગરમી પછી વરસાદ થવાની ધારણા છે. ૩ થી ૬ મે દરમિયાન ગુજરાતના વિવિધ જિલ્લાઓમાં વરસાદ પડશે.

૩ મેના રોજ કચ્છ, બનાસકાંઠા, સાબરકાંઠામાં વરસાદની આગાહી કરવામાં આવી છે. ૪ મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહિસાગર, દાહોદ, પંચમહાલ, વડોદરા, છોટા ઉદેપુર, અમરેલી, ભાવનગરમાં ૪ મેના રોજ ગાજવીજ સાથે વરસાદ પડશે. ૫ મેના રોજ કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહિસાગર, દાહોદ, પંચમહાલ, વડોદરા, છોટા ઉદેપુર,

નર્મદા, તાપી, સુરત, નવસારી, ડાંગ, વલસાડ, દમણ, દાદરા નગર હવેલી, ગીર સોમનાથ, અમરેલી, ભાવનગરમાં માવઠું જોવા મળશે. ૬ મેના રોજ બનાસકાંઠા, સાબરકાંઠા, અરવલ્લી, મહિસાગર, દાહોદ, પંચમહાલ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલી, પોરબંદર, અમનગર, અમનગર અને રાજકોટમાં ગાજવીજ સાથે વરસાદ થવાની સંભાવના છે.

ગાજવીજ સાથે છૂટાછવાયા વરસાદ પડી શકે છે. હવામાન નિષ્ણાત અંબાલાલ પટેલની આગાહી પર નજર કરીએ તો, તેમણે કહ્યું છે કે ૩૦ એપ્રિલથી ૮ મે દરમિયાન રાજ્યના વિવિધ ભાગોમાં ગાજવીજ સાથે વરસાદ પડવાની શક્્યતા છે. આ પ્રવૃત્તિ તે પછી પણ ચાલુ રહેશે.

૮ મેની આસપાસ ગુજરાતના કેટલાક ભાગોમાં વાવાઝોડા સાથે વરસાદ પડવાની શક્્યતા છે. ૨૫ મેથી ૪ જૂન દરમિયાન અરબી સમુદ્રમાં ચક્રવાતી પરિભ્રમણ પણ બની શકે છે. જો તેની અસર પાકિસ્તાન તરફ હોય, તો સૌરાષ્ટ્ર અને કચ્છના કેટલાક ભાગોમાં વરસાદ પડી શકે છે. ગુજરાતના કેટલાક ભાગોમાં વરસાદ પડી શકે છે.