ગુજરાતી ફિલ્મ ‘ઉંબારો’નું મોશન પોસ્ટર રિલીઝ, 24 જાન્યુઆરી 2025ના રોજ સિનેમાઘરોમાં આવશે
ગુજરાતી ફિલ્મ ‘ઉંબારો’નું મોશન પોસ્ટર મેકર દ્વારા લોન્ચ કરવામાં આવ્યું છે. આ ફિલ્મનું નિર્દેશન અભિષેક દ્વારા કરવામાં આવ્યું છે, જ્યારે તે સંજય છાબરિયા અને ફાલ્ગુની પટેલ દ્વારા નિર્મિત છે. અને અમિત ભાનુશાલી અને ઇરાદા સ્ટુડિયો દ્વારા સહ-નિર્માતા છે.
આ ફિલ્મમાં વંદના પાઠક, કાજલ ઓઝા વૈદ્ય, સુચિતા ત્રિવેદી, દીક્ષા જોષી, તર્જની ભાડલા, તેજલ પંચાસરા, વિનીતા એમ જોશી, આર્જવ ત્રિવેદી, સંજય ગલસર, પાર્લે પટેલ અને કરણ ભાનુશાલી મુખ્ય ભૂમિકામાં છે.
ફિલ્મ ‘ઉંબારો’નું મોશન પોસ્ટર સોશિયલ મીડિયા પર રિલીઝ કરવામાં આવ્યું છે, જેમાં લખવામાં આવ્યું છે કે, “હજાર માઇલની સફર એક પગલા થી શરૂ થાય છે.” આ મિશન પોસ્ટર ફિલ્મની પ્રેરણાદાયી સફરને પ્રતિબિંબિત કરે છે અને દર્શકોને એક નવી સફર પર લઈ જવાનું વચન આપે છે.
‘ઉંબરો’ વિશે દર્શકોમાં ઉત્તેજના વધી છે, અને આ ફિલ્મ 24 જાન્યુઆરી, 2025 ના રોજ સિનેમાઘરોમાં રિલીઝ થવાની છે. મોશન પોસ્ટર દ્વારા દર્શકોને ટ્રાવેલ મોડમાં લાવવાનો પ્રયાસ કરવામાં આવ્યો છે, જેના કારણે ફિલ્મ પ્રત્યે અપેક્ષા વધુ વધી છે.
