ઈઝરાયેલ હુમલાનો માસ્ટરમાઈન્ડ હમાસનો વડો સિનવાર ઠારઃ નેતન્યાહૂ

તેલ અવીવ, ઈઝરાયેલના વડાપ્રધાન બેન્જામિન નેતન્યાહૂએ બુધવારે જણાવ્યું કે, ઈઝરાયલના લશ્કરે હમાસના ગાઝા પ્રમુખ અને સંગઠનના નેતા યાહ્યા સિનવારના નાના ભાઈ મોહમ્મદ સિનવારને ઠાર કર્યાે છે.

મોહમ્મદ સિનાવરને ઈઝરાયલ પર ઓક્ટોબર ૨૦૨૩માં થયેલા ઘાતકી હુમલાનો માસ્ટરમાઈન્ડ મનાય છે. ઈઝરાયેલના સુરક્ષા દળ (આઈડીએફ)એ હવાઈ હુમલો કરીને ખાન યુનિસના યુરોપીયન હોસ્પિટલ નજીક એક સુરંગમાં સિનવારને ઠાર કરી દેવામાં આવ્યો હતો.નેતન્યાહૂએ એક નિવેદનમાં જણાવ્યું કે, ‘મોહમ્મદ સિનવારનો ખાત્મો બોલાવી દેવામાં આવ્યો છે.’

તે હમાસના લશ્કરની પાંખનું નેવૃત્વ કરી રહ્યો હતો. હમાસ માટે આ મોટો ઝાટકો છે. પરંતુ અમારું અભિયાન હજુ પૂર્ણ થયું નથી. ઈઝરાયેલના વડાપ્રધાને ચેતવણી આપતા જણાવ્યું કે, ગાઝામાં બંધકોને નુકસાન પહોંચાડનારા વિરુદ્ધ કડક કાર્યવાહી કરાશે.

યાહ્યા સિનાવરનું ઓક્ટોબર ૨૦૨૪માં મૃત્યુ થયા બાદ મોહમ્મદ સિનાવરે હમાસના લશ્કર અને રાજકીય નેતૃત્વ પર પકડ મેળવી હતી.SS1MS