સરકારી કર્મચારીઓ માટે હવેથી હેલ્મેટ ફરજિયાત

ગાંધીનગર, ગુજરાત હાઈકોર્ટે સરકારી કર્મચારીઓ માટે હેલ્મેટ પહેરવાનું ફરજિયાત બનાવવા અંગે મહત્વપૂર્ણ નિર્દેશો આપ્યા છે. હાઈકોર્ટ સમક્ષ એડવોકેટ જનરલે જણાવ્યું કે, સરકાર આ અંગે ટૂંક સમયમાં સત્તાવાર સૂચના જાહેર કરશે.આ નિર્ણય માત્ર સરકારી કર્મચારીઓ પૂરતો સીમિત નથી.

ગુજરાત હાઈકોર્ટમાં કામ કરતા કર્મચારીઓ માટે પણ હેલ્મેટ ફરજિયાત કરવા અંગે સર્ક્યૂલર બહાર પાડવાની વિચારણા ચાલી રહી છે.આ પગલાંથી રાજ્યમાં ટ્રાફિક નિયમોનું પાલન વધશે અને રોડ સુરક્ષામાં સુધારો થશે તેવી અપેક્ષા છે.

નોંધનીય છે કે એક મહિના પહેલા ગુજરાત હાઈકોર્ટે સત્તાવાળાઓને અમદાવાદ શહેરમાં દ્વિચક્રી વાહન ચાલકો અને સવારો માટે હેલ્મેટ ફરજિયાત બનાવવાના તેના આદેશનો ૧૫ દિવસની અંદર અમલ કરવા આદેશ આપ્યો હતો.

ચીફ જસ્ટિસ સુનીતા અગ્રવાલ અને જસ્ટિસ પ્રણવ ત્રિવેદીની ડિવિઝન બેન્ચે પણ અવલોકન કર્યું હતું કે શહેરમાં રોડ ટ્રાફિક એ એક મુદ્દો છે જેની કાળજી લેવાની જરૂર છે. અને તેના સંચાલન માટે સર્વગ્રાહી અભિગમની જરૂર છે. કોર્ટે નાગરિક સત્તાવાળાઓને રોંગ સાઇડમાં ડ્રાઇવિંગ કરતા લોકોને રોકવા માટે પગલાં લેવાનો નિર્દેશ આપ્યો હતો.

કોર્ટે અધિકારીઓને સર્વેક્ષણ દ્વારા આવા સ્થળોની ઓળખ કર્યા પછી “અકસ્માત” અને “ઉચ્ચ અકસ્માત” વિસ્તારોમાં બોર્ડ લગાવવા જણાવ્યું હતું.હાઈકોર્ટે કહ્યું, “ટુ-વ્હીલર અને સવારો દ્વારા હેલ્મેટ પહેરવાની આ ફરજિયાત શરતને લાગુ કરવા માટે અમે તમને ૧૫ દિવસનો સમય આપી રહ્યા છીએ.”

અમદાવાદ મ્યુનિસિપલ કોર્પોરેશન દ્વારા ફ્લાયઓવરના બાંધકામ અંગેની જાહેર હિતની અરજી ની સુનાવણી દરમિયાન ડિવિઝન બેન્ચે આ નિર્દેશ જારી કર્યો હતો.

જેમાં અરજદારે જણાવ્યું હતું કે આનાથી ટ્રાફિક જામ અને અકસ્માતની શક્યતાઓ વધશે અને આ વિસ્તારમાં ગ્રીન કવર પણ ઘટશે.કોર્ટે ગુજરાતના કોમર્શિયલ હબમાં વાહનોની અવરજવરના સંચાલન અને ટ્રાફિક પોલીસ વિભાગમાં ખાલી જગ્યાઓ ભરવાના પાસાઓ ઉમેરીને પીઆઈએલનો વ્યાપ વિસ્તાર્યો છે.

હાઈકોર્ટે જણાવ્યું હતું કે તે સમાન અરજીના ભાગરૂપે, રાષ્ટ્રીય ધોરીમાર્ગો, ખાસ કરીને અમદાવાદ શહેરમાંથી પસાર થતા સરખેજ-ગાંધીનગર રાષ્ટ્રીય ધોરીમાર્ગ પરના પ્રવેશ અને બહાર નીકળવાના સ્થળોના સંચાલન અને જાળવણીની પણ તપાસ કરશે.ચીફ જસ્ટિસ અગ્રવાલે કહ્યું, “ખાસ કરીને એવા વિસ્તારોની ઓળખ કરો કે જ્યાં ચોક્કસ સમયે ભીડ હોય છે.

ખાસ ધ્યાન આપવું પડશે.” તેમણે કહ્યું, “અમે ઇચ્છીએ છીએ કે ત્યાં કોઈ પ્રકારનો અભ્યાસ હોય, એક સર્વગ્રાહી અભિગમ હોય… અમે પરિસ્થિતિથી વાકેફ છીએ કે ટ્રાફિક એક એવો મુદ્દો છે જેની ભવિષ્ય માટે પણ કાળજી લેવાની જરૂર છે, અને તે છસ્ઝ્ર છે જેનું કામ આ કરવાનું છે.”SS1MS