Microsoftના અપડેટથી તમારા ડેસ્કટોપ- લેપટોપને બચાવવા શું ઉપાય કરશો?
વિશ્વભરના વિન્ડોઝ 10 વપરાશકર્તાઓ નવા ક્રાઉડસ્ટ્રાઈક અપડેટને કારણે મોટા પાયે આઉટેજનો સામનો કરી રહ્યા છે, કોમ્પ્યુટર ચાલુ થયા પછી Microsoft Windows તેના કોઈ પણ અપડેટ ઈન્ટરનેટ ચાલુ હોય તો ઓટોમેટિક કરે છે અને ત્યારબાદ કોમ્પ્યુટર રીસ્ટાર્ટ કરે છે. અને નવો આવેલો અપડેટ જો ફેઈલ થાય તો કોમ્પ્યુટર રીસ્ટાર્ટ સ્ક્રીન પર અટવાઈ જાય છે. અને બ્લુ કલરનો સ્ક્રીન આવે છે.
તમે પણ જો લેપટોપ, ટેબલેટ, ડેસ્કટોપમાં માઈક્રોસોફ્ટનું વિન્ડોઝ વર્ઝન વાપરતા હોવ તો
(1) સૌ પ્રથમ તમામ ડિવાઈઝમાંથી ઈન્ટરનેટનો કેબલ કાઢી નાંખો અથવા તો ઈન્ટરનેટ વાઈફાઈ બંધ કરો.
(2) વિન્ડોઝ અપડેટને રોકવા માટે વિન્ડોઝ કી + R દબાવી services.msc ટાઈપ કરો.
(3) ત્યારબાદ Windows Update સર્વિસને બંધ (Disable) કરો.
Microsoft Windows Outage: અમેરિકાના સોફ્ટવેર જાયન્ટ કંપની માઇક્રોસોફ્ટે ગુરુવારે જણાવ્યું હતું કે તે મધ્ય યુએસ પ્રદેશમાં તેની ક્લાઉડ સેવાઓ સાથે સમસ્યાઓ થતાં તેની તપાસ ચાલી રહી છે, જેને કારણે વિશ્વભરમાં વિમાની સેવાઓ, બ્રોકીંગ સર્વિસ, ન્યુઝ ચેનલો તેમજ અન્ય ઘણી બધી સેવાઓને અસર થઈ છે. વિશ્વભરની મોટી એરલાઈન્સે કહ્યું કે આઉટેજને કારણે દિલ્હી અને મુંબઈ સહિત તેમની ફ્લાઈટ કામગીરી પર પ્રતિકૂળ અસર પડી છે.
અહેવાલો સૂચવે છે કે વિન્ડોઝ પરના તાજેતરના મુદ્દાને કારણે સમગ્ર વિશ્વમાં એરપોર્ટ, કંપનીઓ, બેંકો અને સરકારી કચેરીઓમાં મોટા પાયે આઉટેજ થઈ ગયું છે.
નુવામા, 5Paisa અને IIFL સિક્યોરિટીઝ સહિત કેટલાક અન્ય બ્રોકરેજ હાઉસની સેવાઓ પણ માઈક્રોસોફ્ટની ટેકનિકલ ખામીઓને કારણે પ્રભાવિત થઈ છે. લોકો ખરીદી અને વેચાણ માટે સોદા કરી શકતા નથી.
ક્રાઉડસ્ટ્રાઇકે પોતાના ગ્રાહકોને એક નોટમાં મેન્યુઅલ સોલ્યૂશન જણાવ્યું છે. જેમાં કહેવામાં આવ્યું છે કે ક્રાઉડસ્ટ્રાઇક વિન્ડોઝ 10 BSOD ઇશ્યૂને ઠીક કરવા માટે, 4 સ્ટેપને ફોલો કરે.
- વિન્ડોઝને સેફ મોડ અથવા WRE માં બૂટ કરો
- C:\Windows\System32\drivers\CrowdStrike પર જાવ
- “C-00000291*.sys” થી મેળ ખાતી ફાઇલ શોધો અને તેને દૂર કરો.
- સામાન્ય રીતે બૂટ કરો
આ એક ટેમ્પરરી ફિક્સ છે. ક્રાઉડસ્ટ્રાઇક અને માઇક્રોસોફ્ટ થોડા સમય પછી પ્રોપર ફિક્સ થઈ જશે.
માઈક્રોસોફ્ટમાં ગ્લોબલ ટેકનિકલ ખામી સર્જાતા ઓસ્ટ્રેલિયા સરકાર હરકતમાં આવી છે. સરકારે આ મુદ્દે ઈમરજન્સી બેઠક બોલાવી છે. મહત્ત્વનું છે કે ઓસ્ટ્રેલિયામાં પણ એરલાઈન્સ, સુપર માર્કેટ, મોલ અને મીડિયા સેવાઓ પર અસર થઈ છે. અહીં ABC ન્યૂઝ ચૅનલમાં ખામી સર્જાતા બંધ થઈ હતી.
ઈન્ડિગો એરલાઈન્સે એમ પણ કહ્યું કે તેની સિસ્ટમો હાલમાં માઈક્રોસોફ્ટ આઉટેજથી પ્રભાવિત છે. “આ સમય દરમિયાન બુકિંગ, ચેક-ઇન, તમારા બોર્ડિંગ પાસની ઍક્સેસ અને કેટલીક ફ્લાઇટ્સ પ્રભાવિત થઈ શકે છે,” તેણે એક નિવેદનમાં જણાવ્યું હતું.
વૈશ્વિક સ્તરે, યુએસ સ્થિત ફ્રન્ટિયર એરલાઇન્સ, ફ્રન્ટિયર ગ્રૂપ હોલ્ડિંગ્સ ઇન્ક.નું એકમ, બે કલાકથી વધુ સમય માટે ફ્લાઇટ્સ ગ્રાઉન્ડ કરવામાં આવી હતી અને માઇક્રોસોફ્ટની સેવાઓ સાથેની સમસ્યાઓને કારણભૂત ગણાવી હતી.
આઉટેજને કારણે અન્ય ડિસ્કાઉન્ટ કેરિયર, એલિજિઅન્ટ એર માટે રિઝર્વેશન અને બુકિંગને પણ અસર થઈ, જે લગભગ 130 એરક્રાફ્ટનું સંચાલન કરે છે અને કહ્યું કે તે સમસ્યાઓના નિરાકરણ પર કામ કરી રહી છે.
ઑસ્ટ્રેલિયામાં સમાચાર આઉટલેટ્સે પણ અહેવાલ આપ્યો હતો કે એરલાઇન્સ, ટેલિકોમ્યુનિકેશન્સ પ્રદાતાઓ અને બેંકો અને મીડિયા બ્રોડકાસ્ટર્સે કમ્પ્યુટર સિસ્ટમ્સની ઍક્સેસ ગુમાવી દીધી હોવાથી તેઓ ખોરવાઈ ગયા હતા. ન્યુઝીલેન્ડની કેટલીક બેંકોએ કહ્યું કે તેઓ ઑફલાઇન પણ છે.
“અમારા સેવા પ્રદાતા સાથેની માળખાકીય સમસ્યાઓને કારણે, અમારી કેટલીક ઓનલાઈન સેવાઓ, જેમાં બુકિંગ, ચેક-ઈન અને બુકિંગ સેવાઓનું સંચાલન શામેલ છે તે અસ્થાયી રૂપે અનુપલબ્ધ રહેશે,” Akasa Airએ X પર પોસ્ટ કર્યું.
“હાલમાં અમે એરપોર્ટ પર મેન્યુઅલ ચેક-ઇન અને બોર્ડિંગ પ્રક્રિયાઓને અનુસરી રહ્યા છીએ અને તેથી તાત્કાલિક મુસાફરીની યોજના ધરાવતા મુસાફરોને અમારા કાઉન્ટર પર ચેક-ઇન કરવા માટે એરપોર્ટ પર વહેલા પહોંચવાની વિનંતી કરીએ છીએ…” તે ઉમેર્યું.
