હું દિલ્હીમાં ઉછરી, મુસ્લિમ પરિવારમાં અને મારા બધા પાડોશી પંજાબી હતાઃ હુમા કુરેશી

મુંબઈ, બોલિવૂડ એક્ટ્રેસ હુમા કુરેશી અત્યારે પ્રખ્યાત શેફ અને કૂકબુક રાઈટર તરલા દલાલના રોલ માટે ચર્ચામાં છે, જે ફિલ્મ ‘તરલા’માં જાેવા મળી છે. આ ફિલ્મ OTT પર રિલીઝ કરવામાં આવી છે અને તેને વિવેચકો તરફથી ખૂબ જ સારો પ્રતિસાદ મળ્યો છે.

તાજેતરમાં જ હુમા કુરેશીને સવાલ પૂછવામાં આવ્યો હતો કે શું મુસ્લિમ પરિવારમાંથી હોવાના કારણે તેને ફિલ્મ ઈન્ડસ્ટ્રીમાં કોઈ સમસ્યા થઈ છે? હુમાને પૂછવામાં આવ્યું કે શું તેને ઈન્ડસ્ટ્રીમાં કોઈપણ પ્રકારના ભેદભાવનો સામનો કરવો પડ્યો છે? ઈન્ટરવ્યુમાં હુમાએ કહ્યું, ‘મારા અનુભવ મુજબ અમારી ફિલ્મ ઈન્ડસ્ટ્રી ખૂબ જ સેક્યુલર છે. મેં ક્યારેય એક છોકરી હોવા માટે અને મુસ્લિમ હોવાના કારણે કોઈ સમસ્યાનો સામનો કર્યો નથી.

ફિલ્મ ઈન્ડસ્ટ્રી સેક્યુલર જગ્યા છે. લોકો પણ અમને તે રીતે જુએ છે. ભારતના લોકો મારું કામ જાેઈને મને પસંદ કરે છે, મારું નામ જાેઈને નહીં. હુમાએ કહ્યું, ‘હું દિલ્હીમાં ઉછરી, મુસ્લિમ પરિવારમાં અને મારા બધા પાડોશી પંજાબી હતા, તેથી હું દિલથી પંજાબી છું.

મારા શરીરમાં પંજાબી લોહીનું એક ટીપું પણ નથી પણ મારી આત્મા પંજાબી છે. આ રીતે જ હું વાત કરું છું. એ મારી જીવવાની રીત છે. જ્યારે હું મુંબઈ શિફ્ટ થઈ ત્યારે મને નથી લાગતું કે ત્યાં મને કોઈ ભેદભાવનો સામનો કરવો પડ્યો હોય. મારા પિતા લગભગ ૫૦ વર્ષથી એક રેસ્ટોરાં ચલાવે છે અને મુગલાઈ ફૂડ, બિરયાની તેમજ કબાબ વેચે છે અને તેમનું સ્થાન જાેઈને મને ખૂબ જ આનંદ તેમજ ગર્વ થાય છે.

હુમાએ આગળ કહ્યું- મને ક્યારેય એ વાતનો અહેસાસ નથી થયો કે હું મુસ્લિમ છું કારણ કે મેં બાળપણમાં હંમેશાં કૃષ્ણની ભૂમિકા ભજવી છે. જાે કે, તેણે કહ્યું કે તે રાધા બનવાની ઈચ્છા રાખતી હતી પરંતુ તેના વાંકડિયા વાળને કારણે કૃષ્ણ બનાવવામાં આવતી હતી.SS1MS