મેં આવી સફળતા માટે વર્ષાે સુધી રાહ જોઈ છેઃ વિદ્યા બાલન

મુંબઈ, વિદ્યા બાલન હાલ અનીસ બાઝમીની ફિલ્મ ‘ભૂલ ભુલૈયા ૩’ની સફળતાની મજા માણી રહી છે. પહેલી ફિલ્મ બાદ વિદ્યાએ ૧૭ વર્ષે ફરી એક વખત તેનો જાણીતો મંજુલિકાનો રોલ કર્યાે છે.

તાજેતરના એક ઈન્ટરવ્યૂમાં વિદ્યાએ પોતાના માધુરી સાથે કામ કરવાના અનુભવ તેમજ તેના માટે આ ફિલ્મની સફળતા કેટલી મહત્વની છે, તે અંગે વાત કરી હતી.આ ફિલ્મની સફળતા અંગે વાત કરતાં વિદ્યાએ કહ્યું,“મારી કલ્પના કરતા પણ મોટી સફળતા અને ઇમાનદારીથી કહું તો મેં ક્યારેય આવી કલ્પના પણ કરી નહોતી.

મેં ક્યારેય કલ્પના પણ કરી નહોતી કે હું ફરીથી ભૂલ ભુલૈયા કરીશ અને મંજુલિકાનું પાત્ર ફરી જીવંત કરી શકીશ. મેં કલ્પના પણ નહોતી કરી કે મને આટલો બધો પ્રેમ મળશે. હું બહુ ખુશ છું, હું ખુશ છું કે ફિલ્મ ઘણું સારું પ્રદર્શન કરી રહી છે. મારી આ અત્યાર સુધીની સૌથી સફળ ફિલ્મ છે.

આથી સારું શું હોઈ શકે?”આ ફિલ્મથી વિદ્યાને માધુરી દિક્ષિત સાથે એક જ મંચ પર કે એક જ ળેમમાં ડાન્સ કરવાની પણ તક મળી. આ અંગે વિદ્યાએ કહ્યું,“હું તો મારી જાતને ડાન્સર પણ નથી માનતી. પરંતુ એક કલાકાર તરીકે જો તમે મારી પાસે ડાન્સ કરાવવા માગતા હોય તો તેના માટે હું ચોક્કસ મહેનત કરીશ, એમાં પણ જો તમારે માધુરી દિક્ષિત સાથે કામ કરવાનું હોય તો તમારે ઓર વધારે મહેનત કરવી પડે છે.

મારા માટે આ જીવનમાં એક વાર મળતી તક હતી, તેથી મેં પણ ઘણી મહેનત કરી. આ પહેલાં તેની સાથે જેણે પણ ડાન્સ કર્યાે છે, એ બધાં જ ડાન્સર્સ હતાં –ઐશ્વર્યા રાય, કરિશ્મા કપૂર. તેથી મેં બમણી મહેનત કરી હતી. પરંતુ મેં તેની ચિંતા કરવાને બદલે તેની મજા વધારે લીધી હતી.”SS1MS