‘જિગરા’ માં આલિયા હથોડો લઈને વેદાંગની રક્ષા કરશે

મુંબઈ, એક તરફ આલિયાની ‘આલ્ફા’ના શૂટિંગની વાતો ચાલે છે, બીજી તરફ તેણે પોતાની ફિલ્મ ‘જિગરા’નું શૂટ હમણાં જ પૂરું કર્યું છે, જેમાં તે વેદાંગ રૈનાની બહેનનો રોલ કરી રહી છે. આલિયાએ ગયા વર્ષે આ ફિલ્મનું પહેલું મોશન પોસ્ટર શેર કર્યું હતું. હવે તેણે ફરી એક પોસ્ટર શેર કર્યું છે.

જેના પરથી આ એક ઇન્ટેન્સ ફિલ્મ હોવાનો અંદાજ આવે છે. ગુરુવારે આલિયાએ પોતાના ઇન્સ્ટાગ્રામ હેન્ડલ પર નવું પોસ્ટર લોંચ કર્યું હતું, જેમાં એક વ્યક્તિનો પડછાયો દેખાય છે, જે એક બૅકપૅક લટકાવીને કોઈ તારની વાડ સામે ચહેરો કરીને ઉભેલી છે. તેના એક હાથમાં હથોડી છે. તેમાં ડાબી બાજુએ ઉભું ‘જિગરા’ લખેલું વંચાય છે.

સાથે જ આ પોસ્ટરમાં અન્ય એક વ્યક્તિનો મોટો ચહેરો પણ દેખાય છે, જે વેદાંગ રૈના છે. આ પોસ્ટર બ્લૂ અને ઓરેન્જ શેડમાં બનાવવામાં આવ્યું છે, જે આ પોસ્ટરને વધુ ઇન્ટેન્સ બનાવે છે. તેની કૅપ્શનમાં આલિયાએ લખ્યું હતું,“તું મેરે પ્રોટેક્શન મેં હૈ.”

વાસન બાલા દ્વારા ડિરેક્ટ થયેલી આ ફિલ્મ ૧૧ ઓક્ટોબરે રિલીઝ થશે. ગયા વર્ષે એક ઇન્ટરવ્યુમાં ‘જિગરા’ વિશે વાત કરતાં આલિયાએ કહ્યું હતું,“આ હિંમત, જુસ્સા અને દૃઢનિશ્ચયની સુંદર વાર્તા છે.

હું આશા રાખું છું કે હું લોકોને સ્પર્ષી જાય તેવી વાર્તાઓને સહકાર આપી શકું, જે બિલકુલ મૌલિક હોય અને કોઈ એક સમયકાળમાં બંધાય તેવી ન હોય, સાથે જ ઉત્તમ સર્જનાત્મક વિચારો ધરાવતા લોકો સાથે કામ કરની એ વાર્તાઓને જીવંત બનાવી શકું.” થોડાં વખત પહેલાં એવા પણ અહેવાલો આવેલાં કે આ ફિલ્મ માટે આલિયાએ ખાસ બાસ્કેટબાલ રમતાં શીખવું પડેલું, કારણ કે ‘જિગરા’ના ઘણા દૃશ્યોમાં આલિયા બાસ્કેટબાલ રમતી દેખાશે. તે વધુ સહજ લાગે તે માટે વાસન બાલાએ આલિયા માટે એક કાચ પણ રાખેલા.

આ ફિલ્મ માટે આલિયાએ બાસ્કેટબાલની સખત તાલીમ લીધી હતી, કાચ દ્વારા આલિયાને બેઝઇક ટેન્કિક્સ ઉપરાંત ડ્રીબલ અને ડબલ ડ્રિબલ મુવમેન્ટ જેવી બાબતો પણ શીખવી હતી. આ સિવાય આલિયા કઈ રીતે બાલ પાસ કરવો અને કઈ રીતે બાસ્કેટમાં ડંક કરવો એ પણ શખી હતી. આલિયાના ભાઈનો રોલ ‘ધ આર્ચિઝ’થી જાણીતો વેદાંગ રૈના કરશે.SS1MS