લદ્દાખમાં ૪૦ ચીની યાક સરહદ પાર કરી ભારતીય સીમામાં પ્રવેશ્યા

લદ્દાખ, ભારતે ચીનને ૪૦ ચાઈનીઝ યાક પરત કર્યા છે જે લદ્દાખ નજીક વાસ્તવિક નિયંત્રણ રેખા પાસે ભારતીય ક્ષેત્રમાં ભટકાઈ ગયા હતા. આ ઉપરાંત આ યાકના માલિકોને ભારતીય ક્ષેત્રમાં ન આવવાની કડક ચેતવણી પણ આપવામાં આવી છે.

વાસ્તવમાં આ ચીનની અતિક્રમણ વ્યૂહરચનાનો એક ભાગ હોઈ શકે છે અને ચીન વારંવાર આવા કાવતરાઓ કરે છે.તાજેતરમાં, ૪૦ ચીની યાક પૂર્વી લદ્દાખના ડેમચોક વિસ્તારમાં ભટકી ગયા હોવાના અહેવાલ છે.

આ ઘટના વિશેની માહિતી ૧૯ ઓગસ્ટના રોજ ચૂશુલ કાઉન્સેલર કોંચોક તેનઝિને સોશિયલ મીડિયા પર શેર કરી હતી, જેમણે કહ્યું હતું કે જ્યારે ભારતીય પ્રાણીઓ ચીનના ક્ષેત્રમાં ભટકાય છે, ત્યારે તેઓ પાછા ફરતા નથી. જો કે, ભારતે સદ્ભાવના સંકેત તરીકે ચીનને યાક્સ પરત કર્યું.

ભારતીય સેનાએ સ્થાપિત પ્રોટોકોલ મુજબ આ ઘટના વિશે ચીની પીપલ્સ લિબરેશન આર્મીને જાણ કરી અને બીજા દિવસે યક્સ પરત ફર્યા. એલએસી પર પોતાના દાવાને મજબૂત કરવા માટે ચીન અવારનવાર આવી હરકતો કરે છે. લદ્દાખમાં ચરાઈ વિસ્તારોને લઈને વિવાદો સામાન્ય રહ્યા છે. આ વિસ્તાર ભારતીય આદિવાસી સમુદાયો માટે મહત્વપૂર્ણ છે, જેમના પશુધન અવારનવાર અહીં ચરતા હોય છે.

૨૦૨૦માં એલએસી પર ભારત અને ચીનની સેનાઓ વચ્ચે થયેલી લોહિયાળ અથડામણ બાદ આવા કેસોમાં વધારો જોવા મળ્યો છે. આ વિસ્તારોમાં ચરતા પ્રાણીઓની સંખ્યા ૨૦૧૯ માં ૫૬,૦૦૦ થી ઘટીને ૨૦૨૧ માં ૨૮,૦૦૦ થઈ ગઈ હતી. જો કે, તાજેતરના વર્ષાેમાં આ સંખ્યા ફરી વધીને લગભગ ૫૮,૦૦૦ થઈ ગઈ છે.

લદ્દાખમાં ચુશુલ, તારા, ન્યોમા, ફુકચે અને ડેમચોક સહિત લગભગ દસ મુખ્ય ચરાઈ વિસ્તારો છે, જ્યાં ભારતીય પશુપાલકો તેમના પશુઓ ચરે છે. તણાવ અને મુકાબલો વચ્ચે, ચીન સીધો સંઘર્ષ ટાળવા માટે તેના પશુપાલકો અને પશુઓને ભારતીય વિસ્તારોમાં મોકલી રહ્યું હોવાનું માનવામાં આવે છે, અને યાક્સ પણ તેની વ્યૂહરચનાનો એક ભાગ હોઈ શકે છે.SS1MS