ભારત UNSCનું કાયમી સભ્ય હોવું જોઈએ, ઓપન ફોરમમાં ફ્રાન્સનું સમર્થન

નવી દિલ્હી, ફ્રાન્સના રાષ્ટ્રપતિ ઇમેન્યુઅલ મેક્રોને સંયુક્ત રાષ્ટ્ર સુરક્ષા પરિષદના સ્થાયી સભ્ય તરીકે ભારતના સમાવેશને ભારપૂર્વક સમર્થન આપ્યું હતું. તેમણે જર્મની, જાપાન, બ્રાઝિલ અને બે આફ્રિકન દેશોના ઉમેદવારોને પણ સમર્થન આપ્યું હતું.

ગુરુવારે ન્યૂયોર્કમાં યુએન જનરલ એસેમ્બલીના ૭૯મા સત્રમાં સામાન્ય ચર્ચાને સંબોધતા મેક્રોને કહ્યું, ‘જર્મની, જાપાન, ભારત અને બ્રાઝિલ સ્થાયી સભ્યો હોવા જોઈએ, સાથે સાથે આફ્રિકાએ પોતાનું પ્રતિનિધિત્વ કરવું જોઈએ. નવા ચૂંટાયેલા સભ્યોનો પણ સમાવેશ થવો જોઈએ.

ફ્રાંસના રાષ્ટ્રપતિએ સંયુક્ત રાષ્ટ્રને વધુ અસરકારક અને પ્રતિનિધિત્વ કરવા માટે તેની અંદર સુધારાની જરૂરિયાત પર ભાર મૂક્યો. મેક્રોને કહ્યું, ‘સંયુક્ત રાષ્ટ્રને ખતમ ન કરવું જોઈએ, પરંતુ તેમાં આજની વાસ્તવિકતાઓ અનુસાર સુધારો થવો જોઈએ.’

તેમણે કહ્યું કે વર્તમાન સુરક્ષા પરિષદ, જે ઘણીવાર વિરોધાભાસી હિતોના કારણે અટકી જાય છે, તેને બદલવાની જરૂર છે. મેક્રોને કહ્યું, ‘શું કોઈ સારી સિસ્ટમ છે? મને નથી લાગતું. તો ચાલો આપણે સંયુક્ત રાષ્ટ્રને વધુ અસરકારક બનાવીએ, કદાચ સૌ પ્રથમ તેમાં વધુ પ્રતિનિધિ બનાવીએ. આ કારણે હું અને ફ્રાન્સ ફરી એકવાર સુરક્ષા પરિષદના વિસ્તરણની તરફેણમાં અવાજ ઉઠાવી રહ્યા છીએ.

આ પહેલા ચિલીના રાષ્ટ્રપતિ ગેબ્રિયલ બોરિક ફોન્ટે પણ સુરક્ષા પરિષદમાં ભારતને સામેલ કરવાની હિમાયત કરી હતી. યુએનએસસીમાં કાયમી સભ્યપદ માટેની ભારતની માંગને જો બાઈડન સહિત અન્ય વૈશ્વિક નેતાઓનું સમર્થન મળ્યું છે. યુએસ પ્રમુખે વડા પ્રધાન નરેન્દ્ર મોદી સાથેની તેમની તાજેતરની દ્વિપક્ષીય બેઠક દરમિયાન ભારતની બિડ માટે વોશિંગ્ટનના સંપૂર્ણ સમર્થનનો પુનરોચ્ચાર કર્યાે હતો.

રશિયા પણ કાયમી બેઠકની ભારતની માંગને સમર્થન આપી રહ્યું છે. દેશના વિદેશ પ્રધાન સેરગેઈ લવરોવે વાર્ષિક યુએન ઈવેન્ટ દરમિયાન કાઉન્સિલમાં વિકાસશીલ દેશોના વધુ પ્રતિનિધિત્વની જરૂરિયાત પર ભાર મૂક્યો હતો.SS1MS