ઐતિહાસિક કડાકા બાદ મંગળવારે શેરબજારમાં તેજી: સેન્સેક્સ ૧૧૩૫ પોઈન્ટ વધીને બંધ
(એજન્સી)નવી દિલ્હી, ગઈકાલના ૩% ઘટાડા પછી આજે ૮ એપ્રિલે શેરબજારમાં સુધારો જોવા મળ્યો હતો. સેન્સેક્સ ૧૧૩૫ પોઈન્ટ અથવા ૧.૫૫% વધીને ૭૪,૨૭૩ પર બંધ થયો. બીજી તરફ, નિફ્ટી ૩૭૪ પોઈન્ટ અથવા ૧.૬૯% વધીને ૨૨,૫૩૫ પર બંધ થયો.
આજના ટ્રેડિંગમાં, મીડિયા, રિયલ્ટી અને સરકારી બેંકોના શેરમાં મહત્તમ ખરીદી જોવા મળી. નિફ્ટી મીડિયા ઇન્ડેક્સ ૪.૭૨% વધ્યો. બીજી તરફ, નિફ્ટી પીએસયુ બેંક અને રિયલ્ટી સૂચકાંકો લગભગ ૨.૫૦% વધ્યા. એફએમસીજી, આઈટી અને ઓટોમાં લગભગ ૨%નો વધારો થયો.
એશિયન બજારોમાં જાપાનનો નિક્કેઇ ઇન્ડેક્સ લગભગ ૫% વધીને ટ્રેડ થઈ રહ્યો છે. તે જ સમયે, હોંગકોંગ ઇન્ડેક્સ ૨% વધ્યો છે.
એનએસઈ ઇન્ટરનેશનલ એક્સચેન્જ પર ટ્રેડ થતો નિફ્ટી પણ ૧.૫% વધ્યો છે. આ બજારમાં તેજીનો ટ્રેન્ડ દર્શાવે છે. નિફ્ટી ૫૦ અને સેન્સેક્સના ચાર્ટ ઓવરસોલ્ડ ઇજીં સ્તરો દર્શાવે છે. આનાથી શોર્ટ-કવરિંગ અને નવી ખરીદી થવાની અપેક્ષા છે.
૭ એપ્રિલના રોજ યુએસ ડાઉ જોન્સ ૩૪૯ પોઈન્ટ (૦.૯૧%) ઘટીને ૩૭,૯૬૫ પર બંધ થયો. જીશ્ઁ ૫૦૦ ઇન્ડેક્સ ૦.૨૩% ઘટ્યો. નાસ્ડેક કમ્પોઝિટ ૦.૦૯% વધ્યો હતો. જાપાનનો નિક્કેઇ ૭.૮૩%, કોરિયાનો કોસ્પી ઇન્ડેક્સ ૫.૫૭%, ચીનનો શાંઘાઈ ઇન્ડેક્સ ૭.૩૪% ઘટ્યો. હોંગકોંગનો હેંગ સેંગ ઇન્ડેક્સ ૧૩.૨૨% ઘટ્યો. યુરોપિયન બજારોમાં, જર્મનીનો ડ્ઢછઠ ઇન્ડેક્સ ૪.૨૬% ઘટીને બંધ થયો. યુકેનો એફટીએસઈ ૧૦૦ ઇન્ડેક્સ ૪.૩૮% અને સ્પેનનો આઈબીઈએક્સ ૩૫ ઇન્ડેક્સ ૫.૧૨% ઘટીને બંધ થયો.
૭ એપ્રિલના રોજ ભારતીય શેરબજારમાં વર્ષનો બીજો સૌથી મોટો ઘટાડો જોવા મળ્યો. સેન્સેક્સ ૨૨૨૬ પોઈન્ટ (૨.૯૫%) ઘટીને ૭૩,૧૩૭ પર બંધ થયો. નિફ્ટી ૭૪૨ પોઈન્ટ (૩.૨૪%) ઘટીને ૨૨,૧૬૧ પર બંધ થયો. અગાઉ ૪ જૂન, ૨૦૨૪ના રોજ બજારમાં ૫.૭૪%નો ઘટાડો થયો હતો. શેરબજારમાં વેચવાલીથી રોકાણકારોની સંપત્તિમાં લગભગ ૧૫ લાખ કરોડ રૂપિયાનો ઘટાડો થયો છે.
શુક્રવાર, ૪ એપ્રિલના રોજ બીએસઈ પર લિસ્ટેડ કંપનીઓનું એકંદર માર્કેટ કેપ ૪૦૪ લાખ કરોડ રૂપિયા હતું, જે સોમવારે બજાર બંધ થયા પછી ઘટીને લગભગ ૩૮૯ લાખ કરોડ રૂપિયા થઈ ગયું છે. ૩ એપ્રિલના રોજ યુએસ પ્રમુખ ટ્રમ્પે વિશ્વભરમાં ટિટ-ફોર-ટેટ ટેરિફ લાદ્યા. ભારત પર ૨૬% ટેરિફ લાદવાની જાહેરાત કરવામાં આવી છે. ચીન પર ૩૪%, યુરોપિયન યુનિયન પર ૨૦%, દક્ષિણ કોરિયા પર ૨૫%, જાપાન પર ૨૪%, વિયેતનામ પર ૪૬% અને તાઇવાન પર ૩૨% ટેરિફ લાગશે.
