ભારતીય અવકાશયાત્રી શુભાંશુ શુક્લાનું એક્સિઓમ-૪ મિશન ફ્લોરિડાથી પ્રક્ષેપણ માટે તૈયાર

ભારતીય અંતરિક્ષ ક્ષેત્ર માટે ૧૧મી જૂને ઇતિહાસ રચાશે

એક્સીઓમ સ્પેસ અંતર્ગત લોન્ચ આ મિશનને ‘મિશન આકાશ ગંગા’ પણ કહેવામાં આવી રહ્યું છે

ખરાબ હવામાનને કારણે શુક્લાની અવકાશ યાત્રા બુધવાર સુધી મુલતવી

નવી દિલ્હી,ભારતીય અવકાશયાત્રી શુભાંશુ શુક્લા અને અન્ય ત્રણ લોકોને લઈને આંતરરાષ્ટ્રીય અવકાશ મથક પર જઇ રહેલું એક્સિઓમ સ્પેસનું મિશન ફ્લોરિડાના સ્પેસપોર્ટ પર પ્રતિકૂળ હવામાનને કારણે બુધવાર સાંજ સુધી પ્રસ્થાન માટે મુલતવી રાખવામાં આવ્યું છે, એમ ઇસરોના ચેરમેન વી નારાયણને સોમવારે માહિતી આપતાં જણાવ્યું હતું.ભારતીય અંતરિક્ષ ક્ષેત્ર માટે ૧૧મી જૂને ઇતિહાસ રચાશે. ૪૧ વર્ષ પછી કોઈ ભારતીય અંતરિક્ષ યાત્રી અંતરિક્ષમાં જશે. ઇતિહાસમાં પહેલીવાર કોઈ ભારતીય અંતરિક્ષ યાત્રી ઈન્ટરનેશનલ સ્પેસ સ્ટેશન પર જવાનો છે.

ભારતીય વાયુસેનાના ટેસ્ટ પાયલટ શુભાંશુ શુક્લા ૧૫ વર્ષ સુધી કોમ્બેટ પાયલટ રહી ચુક્યાં છે.તેઓ ઐતિહાસિક અંતરિક્ષ મિશન-એક્સીઓમ-૪ પર જઈ રહ્યા છે. એક્સીઓમ સ્પેસ અંતર્ગત લોન્ચ આ મિશનને ‘મિશન આકાશ ગંગા’ પણ કહેવામાં આવી રહ્યું છે. આ ખાનગી અંતરિક્ષ ઉડાણ હશે, જે ૧૦મી જૂને નાસાના કેનેડી સ્પેસ સેન્ટરના સ્પેસએક્સના ક્‰ ડ્રેગન સી૨૧૩ યાન દ્વારા લોન્ચ થશે. એક્સીઓમ-૪ના ક્‰ ૧૧મી જૂને નાસાના કેનેડી સ્પેસ સેન્ટરથી સ્પેસએક્સના ડ્રેગન અંતરિક્ષ યાન પર સવાર થઈને ઈન્ટરનેશનલ સ્પેસ સ્ટેશન(આઈએસએસ) માટે રવાના થશે. આ મિશન ક્‰ના ચારેય સભ્યો આઈએસએસ પર ૧૪ દિવસ રહેશે અને એ ૬૦ પ્રયોગો કરશે. SS1